Водзті, войнаӧдз да и сы бӧрын на, Комиын сикт-грездъясын матӧ быд семьяын вӧлі квайт-сизим-кӧкъямыс да весиг дас да унджык челядь. Христина Александровна Медведевалӧн Рида Васильевна Ракина ыджыд мамыс чужтӧма-быдтӧма дас куим ныв-пиӧс. Сылӧн медыджыд Ираида Михайловна нылыслӧн кӧкъямыс челядь, тшӧтш и Христина, коді чужӧма сизимӧдӧн.
Коми Республикалы 100 во тыригкежлӧ Коми Республикаса Национальнӧй библиотека тавося августсянь октябрь 10 лунӧдз нуӧдіс "Ме тані ола" видеороликъяса конкурс.
Сыктывкарысь "ПРОГНОЗКОМИ" АНО-ӧн веськӧдлысь Наталья Миронова збыльмӧдӧ "АВА-мам семьялы отсасьысь" уджтас, кодлӧн могыс – отсавны аутизма челядьӧс быдтысь бать-мамлы. Ань бура тӧдӧ, кутшӧм мытшӧдъяс падмӧдӧны татшӧм семьяяссӧ, кыдзи да мыйӧн колӧ отсыштны налы. Ӧд сылӧн пиыс тшӧтш висьлӧс.
Со быттьӧ неважӧн на Эжваысь Бумажник шӧртуйса 50-ӧд номера керкаын восьтісны сідз шусяна экоплощадка, а пӧшти вогӧгӧрся уджлы эм нин бур кывкӧртӧд.
Нимкодь, кор бокын велӧдчӧм бӧрын том йӧз локтӧны чужанінас да сьӧлӧмсяньыс босьтчӧны уджӧ, сетӧны ассьыныс тӧдӧмлун-сямсӧ быдмысь войтырлы.
"Коми му" лыддьысьясӧс талун окота тӧдмӧдны Кулӧмдін районса Джеджимысь Надежда Напалковакӧд. Сійӧ зільӧ библиотекаын. Сыктывкарын В.Т.Чисталёв нима культура колледж помалӧм бӧрын Надежда локтӧма уджавны чужан грездас.
Таво август 13 лунӧ Краснодар край весьтын шевкнитчӧма мезоциклон. Помся шливгысь зэр вӧсна туӧмаӧсь юяс. Та мындаыс пӧ куим тӧлысьӧн киссьылӧ енэжсяньыс.
Сыктывдін районса Ыб сиктысь Юлия да Константин Шуктомовъясӧс тӧда важӧнкодь нин. И пыр шензя на вылын! Ӧд гозъя быдтӧны квайт челядьӧс, олӧны ас керка-йӧрын да видзӧны гортса пемӧсъясӧс. Челядьныскӧд пырӧдчӧны уна сикас конкурс-ордйысьӧмӧ, быдтасъяссӧ новлӧдлӧны Паджгаса искусствояс шӧринӧ босьтны содтӧд тӧдӧмлун.
Коми Республикаса опера да балет театрын квайтӧд во нин сьылӧ Кӧрткерӧс районса Шойнаты сиктын чужлӧм мича коми ныв Ксения Шабалина.
Шӧркодя артыштӧмӧн быд морт вонас петкӧдӧ ывлавывса контейнерӧ 400 килограмм шыблас. Миян странаын 97 прӧчент лӧп-ёгсӧ тыртӧны-нырӧны. Та могысь вичмӧдӧма 4 миллион гектар.
Выль велӧдчан во водзын Сыктывкарӧ волігас Россияса просвещение министерствоысь чужан кывъяс велӧдан да этнокультура вылӧ мыджсьӧмӧн челядьӧс быдтан юкӧнӧн веськӧдлысь Анна Тимофеева аддзысьліс юркарса школаясын коми кыв велӧдысьяскӧд да сёрни панігас на пасйис: ас кыв, вужвойтырлысь культура да история велӧдӧмлысь тӧдчанлунсӧ пӧ некутшӧм ногӧн оз позь чинтыны.
Август помын Кӧрткерӧс районса Адзорӧмын муніс сиктса нывбабаяслӧн котыръяс костын мӧдӧд туристическӧй фестиваль.
Сиктса йӧз меным сьӧлӧм вылӧ воӧны: оз вышитчыны-петкӧдчыны, вӧчӧны ассьыныс уджнысӧ бура да колана ногӧн.
Шаньга... Тайӧ сёяныс быттьӧ зумыда йитчӧма сиктса серпаскӧд: со пӧчӧ водз асывнас кӧтӧ няньшом, медым внук-внучкаыслӧн садьмигкежлӧ вӧлі нин дась пӧсь пачысь перйӧм чӧскыд пӧжасыс.
Коми Республикалы 100 да Кулӧмдін районса Помӧсдін сиктлы 315 во тырӧмкӧд йитӧдын август 22 лунӧ Помӧсдінса культура керкаын котыртлісны кыпыд гаж.
1893 воӧ Кардорса губернатор Александр Энгельгардт кыті вӧлӧн, кыті подӧн волӧма Чилимдінӧдз, а сэсся тшӧктӧма вӧчны Мозын юсянь Печора вожӧдз туй.
Кымын унджык ветла Заречьеті, сымын ёнджыка радейт-ча татчӧс сикт-грездӧ. Та пӧрйӧ Мокчойӧ кежалӧмӧн кытшовті Гам грезд!
Коми Республика сӧвмӧмын Иван Морозовлӧн пайыс зэв тӧдчана. Буретш сы дырйи 1965-1986 воясын промышленнӧй предприятиеяс вӧчӧмаӧсь куим пӧв унджык прӧдукция, ӧкмыс пӧв содӧма мусир перйӧм. Вынсялӧмаӧсь и биару, из шом перъян, вӧр лэдзан юкӧнъяс.
Тавося мича гожӧмыс бӧръя лунъяс нимкодьӧдӧ миянӧс. Матыстчӧ зарни ар, а сыкӧд тшӧтш и выль велӧдчан во.
Ичӧтӧн меным кузь гӧленя сапӧг эз ньӧблыны, мед ва гуранъясті эг чеччав. И со кадыс тай меным воис жӧ...
Псков обласьтса Усвяты районын Паметь вахтасӧ таво вӧлі сиӧма "Гвоздика" корсьысян отрядса медводдза командир Иван Петрович Михайловлы.
"Коми йӧзӧдчан керкалӧн" коридорті, быттьӧ подиумті, мунӧ кузь тушаа, вӧсни стана, мича том ань. Модель? Артистка? Абу. Сыктывкарса 36-ӧд номера школаын велӧдысь Ольга Маркова.
Сыктывкарын сійӧ тӧдмасис "Менам бизнес" шӧринлӧн уджӧн. Предпринимательяслы сэні дон босьттӧг котыртлӧны семинаръяс, мастер-лассъяс, тӧдмӧдӧны государствоӧн отсӧг сетан уджтасъясӧн.
"Коми му" газет юӧртліс нин, мый Кӧрткерӧс районса Висер сиктын бурдӧдысьяс уджалӧны зэр улын, амбулаторияыслӧн вевтыс розясьӧма да. Налы отсӧг вылӧ воӧмаӧсь ставроссияса "Народнӧй фронтын" водзмӧстчысьяс.
Коми муын олысьяс асланыс быдлунъя олӧмӧ важысянь нин пыртлӧмаӧсь "пистиасьны" кыв. Сідзкӧ, и сё, гашкӧ, и унджык на во сайын уколасьлӧмаӧсь.
Яна Зезегова Кебанъёльын полициялы ас окотаӧн отсасьысьяслӧн котырын зільӧма кольӧмвося июньсянь, а таво тулыснас республикаса районъясысь дружинникъяслӧн конкурсын петкӧдчысьяс пӧвстын сійӧс шуӧмаӧсь медся бурӧн.
"Коми мулӧн" тайӧ номерын йӧзӧдам Вячеслав Петрович Кузнецовлысь Екатерининскӧй канал вылӧ да Перым крайӧ ветлӧм йылысь казьтылӧмъяссӧ. Редакциялы гижӧдсӧ вӧзйис Станислав Коюшев.
Май помын Санкт-Петербургын муніс Рытыв-Войвыв кытшса вужвойтыр аньяслӧн форум. Зэв нимкодь, мый ми, кык коми ань – ме да Одыбысь коми кыв велӧдысь Ева Кучева – тшӧтш веськалім сэтчӧ. А корис миянӧс тайӧ колана да тӧдчана аддзысьлӧм вылас "Кольское саамское радио" ООО-ӧн веськӧдлысь Валентина Совкина.
Кывлінныд-ӧ ті сэсэнъяс йылысь? Вӧлӧм, башкиръяс тадзи шуӧны йӧзкостса мойдысьясӧс. Кольӧм во Уфаын мойдысьяслӧн конкурсын вермӧма Николай Чупров, коді чужӧма-быдмӧма Чилимдін районса Бугаев сиктын.