–Комилы сё во тыран воӧ финн-йӧгра войтырлӧн "ШаньгаФест" кыпыд гаж дырйи Сыктывкарса медбур ресторанъясын да Ыбса финн-йӧгра этнопаркын вит лун чӧсмӧдлам республикаын олысьясӧс да гӧсьтъясӧс карел, ижора, удмурт, мари, финн да, дерт жӧ, коми войтырлӧн сёян-юанӧн, – висьталіс регионысь культураса министр Мария Балмастова.

Фестиваль вылӧ воисны Санкт-Петербургысь, Ленинград обласьтысь, Марий Элысь, Удмуртияысь да Карелияысь котыръяс, а сідзжӧ шеф-пӧваръяс Илья Лазерсон да Сергей Малаховский. Комиын олысьясӧс да налысь гӧсьтъясӧс пажын-ужын вылӧ  виччысьӧны Сыктывдінысь Ыбса "Финноугория" кафеын, юркарса "Царская охота", "Спасский", "Столица" да "Жаков" ресторанъясын. Сёян-юан гажыс мунас август 22 лунӧдз.

Коми Республикаса филармония, Россияса финн-йӧгра культура шӧрин, регионса вузасян да промышленносьт палата, а сідзжӧ "Югӧр" шӧрин отсӧгӧн фестивальсӧ котыртӧ финн-йӧгра этнопарк.

***Генеральный партнер - ОАО "Россельхозбанк".