Новости Республики Коми | Комиинформ

Ыбын кыдз Парижын: тартар, риет да ризотто...

Ыбын кыдз Парижын: тартар, риет да ризотто...
Ыбын кыдз Парижын: тартар, риет да ризотто...
logo
Ыбын кыдз Парижын: тартар, риет да ризотто...
Фотографии Финно-угорского этнопарка

Шаньга... Тайӧ сёяныс быттьӧ зумыда йитчӧма сиктса серпаскӧд: со пӧчӧ водз асывнас кӧтӧ няньшом, медым внук-внучкаыслӧн садьмигкежлӧ вӧлі нин дась пӧсь пачысь перйӧм чӧскыд пӧжасыс. Сэсся выйыштӧ шаньгалысь "бандзибсӧ", пуктӧ ыджыд пӧв вылӧ да сӧстӧм чышкӧдӧн вевттьӧ, медым пӧжасыс оз кӧдзав.

А позьӧ-ӧ гортса шаньгаӧн чӧсмӧдлыны дона ресторанын гӧсьтъясӧс? Тайӧ юалӧм вылас зілисны вочавидзны Сыктывкарӧ воӧм нималана пусьысь-пӧжасьысьяс, кодъяс август 18-22 лунъясӧ пырӧдчисны "ШаньгаФест" войтыркостса фестивальӧ.

Финн-йӧгра войтырлӧн сёянлы сиӧм тайӧ гажсӧ юркарын котырт-лісны нёльӧдысь нин. Кольӧм воясӧ фестивальсӧ нуӧдісны ывлаын, таво сійӧ "вуджис" карса ресторанъясӧ, кӧні быд рыт гӧсьтъясӧс вердісны сідз шусяна мастер-ужынӧн.

Нималана шеф-пӧваръяс, кодъяс ӧтуввезйын нуӧдӧны ассьыныс блог, а радио-телевидение пыр – уджтасъяс, юксисны татчӧс пусьысь-яскӧд асланыс тӧдӧмлун-сямӧн да велӧдісны, кыдзи колӧ вежлавны йӧзкостса сёянсӧ, медым сійӧс позис вӧзйыны ресторан менюӧ.

Таво "ШаньгаФест" вылӧ мойвиис медводдзаысь на веськавлыны и меным. Но ресторанъясад ветлі эг сёянсӧ донъялӧм, а веськыд эфир нуӧдӧм ради.

Сынӧдыс юмов

Торйӧн нин вӧлі нимкодь, кор гӧсьтъяс шоныд кывъясӧн висьтасисны Коми Республика йылысь.

–Сэтшӧм тані чӧв-лӧнь. Татчӧс вӧр-ва вылас ме верма часъясӧн видзӧдны, и ньӧти оз дышӧд, –  юксис мӧвпъяснас нималана пусьысь Сергей Малаховский. – А сынӧдыс кутшӧм чӧскыд да юмов! Тайӧс ме гӧгӧрвои самолётысь петӧм бӧрын. Тані быттьӧ лыска да коръя пуяслӧн кӧрыс сорласьӧма. Некысь сэсся татшӧм сынӧдсӧ эг апавлы! Комиын и йӧзыс зэв мичаӧсь. Налӧн быдӧн-лӧн мичыс – аслыспӧлӧс.

Сергей Малаховский телевидениеын нуӧдӧ некымын передача. Санкт-Петербургын веськӧдлӧ ресторанӧн. Уджавлӧма США-ын да Италияын.

–Кӧсъя, медым йӧзыслы кажитчис, мый ме вӧча. Дас кымын во сайын чайті, мый ме Микеланджело да Пикассо моз жӧ лӧсьӧда сійӧс, мый меӧдз эз на вӧвлы, – висьтасис Сергей. – Но кад мысти гӧгӧрвои, мый ставсӧ тайӧс и меӧдз унаысь нин вӧчлӧмаӧсь. Сёяныслӧн зэв-зэв уна сикас кӧр йӧзыслы важӧн нин тӧдса. Ме збыльысь радейта, мый вӧча!

Нималана блогер сёянсӧ дасьтӧ челядьдырсяньыс.

–Батьӧй водз кувсис. Мамӧ уджаліс гидӧн, нуӧдіс экскурсияяс, тшӧкыда менӧ гортӧ кольлывліс, – казьтылӧ Сергей. – А сёйнытӧ меным зэв окота вӧлі. Пражитлі картупель, чери, пӧжавлі яблӧг... Тасянь ставыс и заводитчис. Ёртъясӧй кутісны сёянӧс ошкыны. Гӧгӧрвои, мый кӧсъя пусьыны-пӧжасьны нэм чӧж.

Россияын сёян культураыслы колӧ сӧвмыны. Аслам могӧн чайта тайӧ культура кыпӧдӧмсӧ. Пыр зіля бурмӧдны ассьым сям-кужӧмлунӧс, корся выль рецептъяс. Комиын ми пусям татчӧс вӧлӧгаӧн вӧдитчӧмӧн. И кутшӧм чӧскыд ставыс! Мыйсюрӧ йӧзыс пӧжалӧны сідз, кыдз ме некор эг вӧчлы, зэв аслыспӧлӧса кӧтӧны няньшомсӧ. Кӧсъя Санкт-Петербургса ресторанын видлыны тадзи жӧ кӧтны.

Пусьысьыд нэм чӧжыс туясьӧ

"ШаньгаФест" фестивальса почёта гӧсьтӧн вӧлі сёян-юан дасьтысь блогер Илья Лазерсон. YouTube-ын сылысь "Зона Лазерсона" каналсӧ видзӧдӧ матӧ миллион морт. Илья Исаакович гижӧма 150-ысь унджык небӧг, юрнуӧдӧ пусян школа-студияӧн, тшӧкыда висьтасьӧ-петкӧдчӧ радио-телевидение пыр.

–Финн-йӧгра сёяныс меным зэв матысса. Зіля пыдісянь сійӧс гӧгӧрвоны. Быд пусьысь нэм чӧжыс туясьӧ. Пыр позьӧ восьтыны выль сикас кӧр, – висьталіс Илья Лазерсон. – Вӧвлі Марий Элын, Удмуртияын, Карелияын, Эстонияын, Финляндияын... Комиӧ ӧнӧдз эг на волы. Зэв вӧлі интереснӧ. Ме татчӧ локті эг сы ради, медым петкӧдлыны, кыдз и мый колӧ вӧчны. Ме ачым кӧсъя гӧгӧрвоны татчӧс сёянсӧ. Быд рыт пасъяла аслым выль рецептъяс.

"ШаньгаФестлӧн" шӧр могыс ӧд абу сӧмын ӧні да тані гӧсьтъяссӧ чӧсмӧдлыны. Гастрономияса фестиваль отсалӧ и туризм сӧвмӧдны. Ме кӧсъя петкӧдлыны, кутшӧм тані лӧсьыд, эм мый видзӧдлыны да донъявны туристъяслы. Вӧр-ваыс зэв мича, йӧзыс шаньӧсь, сёяныс чӧскыд да бур. И йӧзсӧ ставыс тайӧ кутас кыскыны-сибӧдны Коми Республикаӧ. Дерт жӧ, и аслам ёрт-тӧдсаяслы ошка тіянлысь регионтӧ.

Асьнымӧс петкӧдлыны...

Йошкар-Олаын "Тёплая речка" трактирӧн веськӧдлысь Иван Антропов "ШаньгаФестӧ" пырӧдчӧ коймӧдысь нин.

–Ёна кажитчӧ республиканыд, иныс, кӧн сулалӧ финн-йӧгра этнопарк. Сынӧдыс сӧстӧм, чумъяс эмӧсь... Йӧзыс зэв сибыдӧсь, – юксис сьӧлӧмкылӧмъяснас Иван. – Мари сёян-юанлы сиӧм мастер-ужын вылӧ локтісны найӧ, кодъяс и кольӧм воясӧ волісны. Найӧ буретш помнитӧны, кыдз мари кыв вылын юргӧны сёян нимъясыс! Зэв нимкодь таысь.

Да, "ШаньгаФест" таво "вуджис" ресторанъясӧ. Тайӧ ӧти боксянь кӧ – бур, мӧдарсянь кӧ – абу зэв. Кор фестивальыс мунӧ ывлаын, сэки пусьысьяс и гӧсьтъяскӧд вермӧны сёрнитны-тӧдмасьны и ӧта-мӧднысӧ аддзӧны. Таво татшӧм позянлуныс абу. Но ресторанын сёянсӧ дасьтыны, дерт, кивыв – и плитаыс эм, и мыськасяніныс. Кор ывлаын пусям, сэки быттьӧ походынӧсь.

Мари сёянлы сиӧм рытпук кежлӧ ми дасьтім 8 сикас вӧлӧга. Пуим и полба рок. Кодсюрӧ висьталісны, мый тайӧ рок радиыс и локтӧмаӧсь фестиваль вылас. Водзті став сідз шусяна ингредиентсӧ сьӧрсьыным вайлім, а таво думыштім пусьыны татчӧс прӧдуктаысь. Ставыс эм! Зэв интереснӧ орччаӧдны разнӧй войтырлысь рецептъяссӧ.

Быд во мариечьяс волӧны медыджыд котырӧн.

–Кольӧм воясӧ менам трактирысь воліс 6 пӧвар. Таво ми нёльӧнӧсь. Миянкӧд тшӧтш локтісны и ёртъясным – иван-чай дасьтысьяс. Коймӧдысь жӧ "ШаньгаФестӧ" пырӧдчӧ и "Морко кундем" йӧзкостса ансамбль. Тешкодь, мый тайӧ ансамбльыскӧд ми Марий Элын некор ог аддзысьлӧй, паныдасьлам сӧмын тані, Комиын. Артмӧ, Коми му ӧтувтӧ Марий Элысь кык котырӧс.

Кажитчӧ паныдасьлыны ӧта-мӧдкӧд, унджык тӧдмавны да висьтавны финн-йӧгра вӧлӧга йывсьыс. Ми ог корсьӧй некутшӧм выгӧда. Кӧсъям, кыдз важӧн, асьнымӧс петкӧдлыны да йӧзсӧ видзӧдлыны.

Фестиваль котыртысьяс Иван Антроповӧс шуӧны "ШаньгаФестлӧн" бур ёртӧн. Сійӧ юӧртӧ фестиваль йылысь федеральнӧй тшупӧдын.

–Ме пырӧдча Марий Эл Республикаса общественнӧй палатаӧ, туризм сӧвмӧдан быдсикас сӧветӧ, – пасйис Иван. – Зіля паськыдджыка висьтавлыны тіян фестиваль йылысь, ошка сійӧс. Мыйла? Сы вӧсна мый и гажыс меным кажитчӧ, и котыртысьясыс.

Пандемияӧдз на Йошкар-Олаын удитім нуӧдны "Подкоголь Ёш" фестиваль. Подкоголь – марилӧн йӧзкостса сёян, а "ёш" вуджӧдсьӧ кыдз "семья". Ми чукӧртім став сикас войтырсӧ, кодъяс олӧны миян регионын да налӧн эм жӧ подкоголь сяма сёяныс. Сідз, грузинъяс вӧчисны хинкали, узбекъяс – манты, японечьяс да индиечьяс – ассьыныс вӧлӧгасӧ. Гӧсьтъяслы зэв ёна ка- житчис тайӧ гажыс.

Карелиясянь – аслас солӧн

Медводдзаысь на "ШаньгаФест" фестивальӧ таво пырӧдчис Карелияысь гастрономияса блогер Насто.

–Ме Комиӧ быттьӧ рӧдвуж ордӧ гӧсти локті, – висьталіс том ань. – А руыс тан= кутшӧм кыпыд! Чӧскыд сёян, бур шылад... Мекӧд тшӧтш воис и "Кантеле" ансамбль, медым гажӧдны гӧсьтъясӧс.

Ме тані ог сӧмын пусьы-пӧжась, но и зіля видлыны мукӧд сикас войтырлысь йӧзкостса сёянсӧ. Ингредиентыс быдлаын быттьӧ ӧткодь, но кӧрыс зэв ёна торъялӧ.

Настолысь сёянсӧ веськыд эфирын донъялі и ме. Ой, чӧскыд!

–Карелияса кухнялы сиӧм ужын кежлӧ лӧсьӧді полбаысь салат, кытчӧ содті помидор, маринуйтӧм юмов лук, олива вый, бальзам уксус да петрушкаысь вӧчӧм песто соус, – тӧдмӧдіс аслас  рецептӧн блогер. – Чӧсмӧдлам гӧсьтъясӧс и юкваӧн. Талун чери шыднад некодӧс нин он чуймӧд, но ми Карелияын зілям шензьӧдны. Юквасӧ пуам трескаысь да чимиысь. Сьӧрсьым вайи зэв аслыспӧлӧс специя – Еджыд саридзса сов. Карелия берегъясын кыпӧдалісны сов пуанінъяс (солеварня). Менам ёртъяс вӧчӧны совсӧ важся технология серти. И таӧн ми шензьӧдам гӧсьтъяснымӧс.

Ресторансӧ, кӧні уджалӧ Насто, вӧчӧма ХIХ-ӧд нэмся керка кодьӧн. Пыран пӧ сэтчӧ да, быттьӧ бабыд дорӧ гӧсти локтін.

–"ШаньгаФест" кежлӧ ме дасьті тшӧтш и кӧр яй, – водзӧ висьтасис Насто. – Но пуи сійӧс торъя рецепт серти – сур пиын. Яйсӧ пызан вылӧ ваям пувъя-гӧрд винаа соусӧн да нырӧм картупельӧн.

Гӧсьтъяслы зэв окота лои чӧсмасьыштны и миян калиткаӧн да орччаӧдны с=йӧс коми шаньгакӧд. ковмис пӧжавны.

Татчӧс, Комиын кодь, вӧлӧгаыс эм и Карелияын. Фестиваль дырйи корсям ӧткодьлунсӧ, тӧдмалам  выль кӧръяс. Менам, кыдз блогерлӧн,  шӧр могыс – видзны сёян тради-цияяссӧ.

Ыджыд аттьӧ висьтала Коми Республикалы, тан= олысьяслы миянӧс пӧся вочаалӧмысь!

Эска, мый и мӧд во бара на мойвиас волыны тайӧ кыпыд гаж вылас.

Коми йӧзыд радейтӧны чӧскыда сёйны

Фестивальлӧн бӧръя лунӧ "ШаньгаФест" вылын нимӧдісны, дерт жӧ, коми сёян-юан.

Та йылысь веськыд эфирын сёрнитім Санкт-Петербургысь ресторанса продюсер Антон Мухинкӧд. Антон Сыктывкарын абу нин первойысь. Дмитрий Щербаков бренд-поваркӧд некымын во сайын сетӧмаӧсь выль ру "ЖакоV" ресторанлы.

–Кыдз ми тӧдам, Сыктывкарын важӧн овлӧмаӧсь пленӧ босьтӧм французъяс, – историясянь заводитіс сёрнисӧ нималана пусьысь. – Дерт жӧ, найӧ вайисны татчӧ ассьыныс культурасӧ. Ми Дмитрийкӧд думыштім йитны тайӧс Коми муыскӧд – и вӧчим мирын медводдза франко-зыряна ресторан. 

Кор пыдісяньджык кутім туявны коми вӧлӧгасӧ, казялім, мый коми да француз сёяныс зэв матысӧсь. Зэв уна ӧткодь рецептыс! Ми босьтім зыряналысь рецепт, татчӧс прӧдукта да йитім сійӧс францияса технологияӧн. И артмис выль коми блюдо! Шуам, тартар – тайӧ француз сёян. Но кӧр яйысь вӧчӧм тартар – коми чӧсмасянтор. И ӧні он нин вермы гӧгӧрвоны, коді кодлысь босьтіс тайӧ рецептсӧ.

Ресторансӧ выльмӧдігӧн ми кӧсйим пыртны менюӧ некымын выль блюдо, но сэки эз артмы. /ні ми тайӧс вӧчам "ШаньгаФест" дырйи!

Коми му зэв шань да кыпыд руа. Артмӧ, республикалӧн чужан лунӧ чужис и выль пӧлӧс коми кухня. Став сикас сёяныслы сетім кык кывъя ним. Гӧсьтъяслы рытпук дырйи вӧзъям видлыны комысь патэ, пражитӧм нӧкъя тшак. Куим торъя технология серти пӧжалім паренча, код дорӧ соус пыдди вӧзъям пӧжӧм йӧв. 

Коми кухня зэв озыр! И ми думыштім, кыдз зыряналысь сёянсӧ йитны европасакӧд. Комияслӧн ид рокыс зэв матыс француз ризоттокӧд. Но рокӧн кӧ тэ ресторанын гӧсьтъястӧ вердны он вермы, ризотто ногӧн вӧчӧмнад – верман. 

Пачын кӧ сійӧ артмӧ чӧскыд, мыйла ресторанын оз позь вӧчны неуна мӧд ногӧн? Кадыс мунӧ, сёян вежсьӧ.

Да, коми шаньга, нӧкъялӧм ельдӧг – тайӧ гӧгӧрвоана, быдлунъя да чӧскыд сёян. Но ресторанын гӧсьтъяслы он вӧзйы, колӧ, медым вӧлі сідз шусяна изыск. И со ме думышті "шаньга-2021"  – рудзӧг няня пӧжӧм кӧр яй, француз ногӧн кӧ, кӧр яйысь риет. Артмис выль пӧлӧс шаньга.

Сёрни помланьыс Антонлысь юалі, кутшӧм сёянкӧд сылӧн вежӧрын йитчӧма Коми Республикаыс. Шуам, Италия – пастакӧд, Япония – сушикӧд...

–А Коми – ульӧн тшынӧдӧм кӧр яйкӧд, – вочавидзис нималана пусьысь. – Тані сійӧ зэв чӧскыд да бур. Рытпук дырйи кӧр яй дорӧ содтім пувъя-турипувъя соус да пӧжӧм йӧв. Артмис зэв небыд! Окота, медым коми-зыряналӧн сёян йылысь тӧдмалісны мир пасьталаын. Коми йӧзыд кужӧны да радейтӧны чӧскыда сёйны.

Туризм сӧвмӧдны

"ШаньгаФестлы" кывкӧртӧд вӧ-чим Коми Республикаса туризм агент-ствоӧн веськӧдлысь Александр Терентьевкӧд.

–Татшӧм фестивальыс сӧвмӧдӧ туризмсӧ некымын боксянь. Ӧти-кӧ, миян республикаын туристъяс вер-мӧны чӧсмасьны коми сёянӧн. Мӧд-кӧ, тайӧ отсалӧ и кафе-ресторанъяслы, – мӧвпаліс Александр. – Веськыда кӧ висьтавны, йӧзкостса сёянсӧ миян карса ресторанъясын оз ёна вӧзйыны. Мӧд муысь гӧсьтъясӧс мукӧддырйиыс он и тӧд, кытчӧ нуӧдлыны, медым видласны зыряна сёянсӧ. Нималана пусьысьяс, ресторанӧн веськӧдлысьяс, кодъяс ӧні локтісны Сыктывкарӧ, выль боксянь донъялӧны татчӧс кафеяссӧ да  висьталӧны, мый эськӧ сэні позьӧ бурмӧдны.

А коймӧд-кӧ, фестиваль вылӧ локтӧны шеф-пӧваръяс, кодъяс тӧдмасьӧны коми сёянӧн. И сэсся найӧ кутасны нимӧдны сійӧс: дасьтыны асланыс каръясын, гижны та йылысь небӧгъясын да петкӧдлыны  передачаясын.

Да, рецептъяс абу нэмӧвӧйсяӧсь, найӧ выльмӧны. Чайта, абу зэв бур, кор йӧзыс шуӧны, мый рецептсӧ оз ков вежлавны. Сёян сертиыд тэ он вермы висьтавны, татшӧмӧн сійӧ вӧлі важӧн али ёна нин выльмис.

Дженьыда кӧ, "ШаньгаФест" – абу сӧмын сёян-юанлы сиӧм гаж. Тайӧ фестиваль, коді отсалӧ ӧта-мӧдкӧд паныдасьлыны-тӧдмасьны  да финн-йӧгра регионъяс костын йитӧдсӧ водзӧ ёнмӧдны.

Ирина Терентьева.    

Перевод материала:
Как в Париже:

риет, ризотто и тартар

Шаньга… Эта слово будто неразрывно связано с деревенскими картинками: вот ранним утром бабушка месит тесто, чтобы к пробуждению внуков вытащить из горячей печи вкусную выпечку. Затем маслит "бока", раскладывает шаньги на большую доску и укрывает чистым полотенцем, чтобы выпечка дольше сохраняла тепло. 

А можно ли домашними шаньгами угощать гостей дорогого ресторана? На этот вопрос постарались ответить знаменитые шеф-повара, которые 18-22 августа участвовали в Международном гастрономическом фестивале "ШаньгаФест".

Праздник, посвященный кухням финно-угорских народов, в Сыктывкаре проводился четвёртый раз. В предыдущие годы фестиваль проходил на открытом воздухе, в этом году – "переехал" в городские рестораны, где гостей каждый вечер угощали мастер-ужином.

Именитые шеф-повара, которые ведут блоги, выступают на радио и телевидении, поделились своим опытом с посетителями фестиваля и местными кулинарами.

В Коми вкусный воздух

Особенно было приятно, когда гости очень тепло отзывались о Республике Коми.

– Здесь так спокойно и умиротворенно, – поделился впечатлениями Сергей Малаховский. – Я могу часами наблюдать за здешней природой, и мне это нисколько не надоедает. Не помню другого места с таким же вкусным воздухом. Ещё в аэропорту я почувствовал соединения еловых и лиственных деревьев. Это такой аромат! И люди у вас очень красивые. Причём нельзя выделить какие-то общие черты лица, они все красивы неповторимой красотой. 

Сергей Малаховский ведёт несколько телепередач, стажировался в США и Италии.

– Стараюсь делать так, чтобы человек проникался тем, что я произвожу на свет. Лет 10 назад, когда я был шеф-поваром и ресторатором, казалось, что я своего рода Микеланджело или Пикассо, – размышлял Сергей. – С годами понимаешь, что в мире всё это уже делали много-много раз. Много вкусовых соединений давно найдено. Я очень люблю, что делаю.

Знаменитый блогер увлёкся кулинарией ещё в детстве.

– Папа рано умер, мама работала гидом выходного дня, нередко оставляла меня дома одного, – рассказывал Сергей. – Маленькому Серёже просто очень хотелось есть. Готовка была житейской необходимостью. Я жарил картошку, рыбу, запекал яблоки. С этого всё и началось. Тогда понял, что мне нравится кулинария, и я готов этому делу посвятить свою жизнь. Культура еды в России должна расти. Своей целью считаю повысить уровень этой культуры.

Здесь мы готовим из местных продуктов. Еда получается очень вкусной. Конечно же, нашёл для себя и новые рецепты. Что-то люди запекают так, как я никогда не делал. Очень своеобразен у коми людей замес теста. Хочу попробовать машинным способом сделать так же в Санкт-Петербурге. После каждой поездки стараюсь себя совершенствовать.

Исследовать финно-угорскую кухню

 Почётным гостем фестиваля был блогер и телеведущий Илья Лазерсон. На его YouTube канал подписаны более 900 тысяч человек. Илья Исаакович написал более 150 книг, руководит кулинарной школой-студией.

– Мне очень близка финно-угорская кухня. Я изучал её внутри народов – бывал в Марий Эл, Удмуртии, Карелии, Эстонии, Финляндии. В Коми приехал впервые. Мне это очень интересно, потому что я исследователь. Всегда можно найти новые вкусы и сочетания, – рассуждал Илья Лазерсон. –  Каждый вечер записываю новые для себя рецепты.

Хочется показать, как в Коми хорошо, есть, на что посмотреть туристам. Здесь очень красивая природа, добрые люди, вкусная еда… И гостей это должно привлекать в ваш регион. С радостью буду рекомендовать.

Себя показать, на людей посмотреть

Иван Антропов – основатель трактира родной кухни в Йошкар-Оле. На "ШаньгаФест" приехал уже в третий раз.

– Мне очень нравится ваша республика. Нравится место, где располагается финно-угорский этнопарк. Чистый воздух, чумы… Очень доброжелательные люди, – поделился впечатлениями Иван. – На мастер-ужин марийской кухни приехали и те, кто бывал здесь в прошлые годы. Гости даже запомнили, как звучат названия блюд на марийском языке. Это очень приятно! Здесь мы приготовили 8 различных угощений, в том числе и кашу из полбы. Некоторые из посетителей отметили, что приехали на фестиваль ради нашей каши.

В прошлые годы все ингредиенты мы привозили с собой, в этом году решились на эксперимент – готовили из здешних продуктов. Очень интересно сравнивать рецепты разных народов.

Ежегодно марийцы приезжают самой многочисленной делегацией.

– В 2019-ом из моего трактира приезжали 6 поваров. В этом году нас четверо. С нами приехали и наши друзья – производители иван-чая. Так же третий раз в "ШаньгаФесте" участвует народный ансамбль "Морко кундем". Любопытно, что в Марий Эл мы с ними не пересекаемся. Видимся раз в год здесь, в Коми. Получается, ваша республика объединяет две наши делегации.

Организаторы "ШаньгаФест" называют Ивана Антропова добрым другом фестиваля. Он популяризирует гастрономический праздник на федеральном уровне.

–  Я вхожу в общественную палату Республики Марий Эл. Так же состою в различных советах по развитию туризма, –  отметил Иван. – Всегда стараюсь рассказывать о вашем фестивале, ставлю в пример. Почему? Потому что мне и сам праздник, и организаторы нравятся. Мы не ищем никакой выгоды. Приезжаем, чтобы себя показать и на других посмотреть.

Ещё до пандемии мы в Йошкар-Оле успели провести фестиваль "Подкоголь Ёш". Подкоголи – традиционное марийское блюдо, "ёш" – в переводе "семья". Мы собрали представителей всех народов, которые проживают у нас в республике, и у которых есть аналогичные подкоголям блюда.  Так грузины готовили хинкали, узбеки – манты, японцы и индийцы – свою еду. Гостям пришёлся по душе такой формат гастрономического фестиваля.

Из Карелии – с чудо-солью

 – В фестивале участвую впервые, – рассказала гастрономический блогер Насто. – Чувствую, будто в гости к родственникам приехала. Здесь тёплая живая атмосфера. Вкусная еда, красивая музыка. Так же со мной из Карелии приехал ансамбль песни и танца "Кантеле".

Гостей фестиваля угощаю салатом из полбы, томатов и сладкого маринованного лука, приправленным соусом песто, бальзамическим уксусом и оливковым маслом. Также подаём карельскую уху, которую мы готовим из двух видов рыбы – трески и лосося. Привезла с собой чудо-специю – соль Белого моря. В Карелии по берегам моря строили солеварни и варили соль. Этот продукт всегда очень удивляет гостей.

Кроме того на мастер-ужине посетители фестиваля попробовали оленину в пиве, приготовленную методом долгого томления. Это блюдо традиционно подаём с соусом из брусники и красного вина.

В Коми те же самые продукты, что и в Карелии, но взгляд на блюда совсем другой. Вкусы новые. Очень интересно проводить параллели!

Новая коми кухня

Ресторанный продюсер Антон Мухин и бренд-шеф Дмитрий Щербаков несколько лет назад в столице Коми создали первый в мире франко-зырянский ресторан.

– Раньше на территории Сыктывкара жили пленные французы, которые, естественно, привнесли сюда часть своей культуры, – с исторического экскурса начал свой рассказ Антон. – В основе концепции ресторана  –  идея о создании "кухни от французской бабушки". Когда мы стали глубже изучать коми кухню, выяснили, что французская и коми "бабушки" – родственницы. Например, рыба по-коми имеет свой аналог во французской традиции. Тартар – французское блюдо, но тартар из оленины – уже коми. Сейчас не выяснить, кто у кого это блюдо перенял. Очень многие рецепты похожи. Мы совместили коми продукты с французскими технологиями и получили новую коми кухню. База вашей кухни очень богата. И мы придумали, как интегрировать её в европейское сообщество. Ячменная каша – исконно зырянское блюдо, но её ты не подашь в ресторане. А вот если ячменную кашу приготовить способом ризотто, то получится ресторанное угощение.

Кухня – живой продукт, она меняется.

Шаньги, грузди со сметаной – это всё очень вкусно и просто, но ресторан предполагает более усложнённые и изысканные блюда. Поэтому мы приготовили оленину в ржаном тесте (по-французски, риет из оленины). Вот так получилась "шаньга-2021", которую на фестивале мы и представили на суд гостей.

Коми кухня у меня ассоциируется с сырокопчёной олениной. Она у вас очень высокого качества!

Хочется, чтобы про новую коми кухню узнали как можно больше людей. В Коми умеют и любят вкусно поесть.

Итоги фестиваля подвели с руководителем Агентства по развитию туризма и продвижению Коми Александром Терентьевым.

– Туристский потенциал "ШаньгаФеста" очень большой, –  отметил Александр. – Такие мероприятия помогают развивать туризм сразу в нескольких направлениях. Во-первых, туристы имеют возможность познакомиться с коми кухней. Во-вторых, фестиваль способствует развитию ресторанного бизнеса. Будем откровенны, в нашем городе коми национальная кухня пока ещё не особо отражена. Шеф-повара из других регионов свежим взглядом оценивают наши заведения, советуют, что и как можно улучшить. И конечно, гости фестиваля уже в своих блогах, программах, книгах будут рассказывать о коми кухне, популяризировать её.

 Ирина Терентьева

 

***Генеральный партнер - ОАО "Россельхозбанк".