Реклама.

Новости Республики Коми | Комиинформ

Антон Куратов да "Komi.Folk" ансамбль

Антон Куратов да "Komi.Folk" ансамбль
Антон Куратов да "Komi.Folk" ансамбль
logo
Антон Куратов да "Komi.Folk" ансамбль
Снимокъясыс ӧтуввезйысь

Кулӧмдінын тавося "Василейын" казявтӧг эз коль "Сиктӧй менам" гажа сьыланкыв. Босьтіс медводдза места. Сьыліс сійӧс том артист Антон Куратов, ворсісны Коми Республикаса вужвойтырлӧн шылада-драмаа театрса ансамбльӧ пырысьяс.

"Василей" гаж вылӧ ветлӧм йылысь висьтасьыштіс тайӧ ансамбльнас веськӧдлысь Мария Истомина:

–Кулӧмдінын вӧлі зэв кыпыд. Сэтчӧс войтырыс няня-солаӧсь. Конкурсӧ пырӧдчысьяс – вылыс тшупӧдаӧсь, унаӧн нималанаӧсь. И та понда нӧшта на донаджык миянлы медводдза местаыс.

Ми асланым ансамбльӧн медводдзаысь на петкӧдчим "Василейын", и ставыс сэні вӧлі сьӧлӧм вӧрзьӧдана. Кӧсъя шуны, вужвойтырлӧн шылада-драмаа театрӧ волысьяслы миян ансамбльным важӧн нин тӧдса, уна спектакль-концертын ворсам, а нимыс сылӧн эз на и вӧвлы. И буретш думыштӧма лои ним, кодӧс и юӧртісны "Василей" дырйи петкӧдчигӧн: "Komi.Folk".

Аттьӧ Семён Горчаковлы. Тадз шусьӧ миян зэв интереснӧй шылада пуктӧмтор, кодӧс дасьтылім сылӧн юрнуӧдӧм улын. Сэні коми фольклор, войтырлӧн сям да вежӧр йитчӧ ӧнія кадся инструментъяса шыладкӧд.

А "Сиктӧй менам" сьыланкывйыс юргӧ "Поколение "Щ" концертын. Тайӧ концертыс, позьӧ шуны, профориентационнӧй: Щукин нима институт помалысьяс петкӧдлӧны сэні ассьыныс сямсӧ да ӧттшӧтш ышӧдӧны искусство радейтысь том йӧзӧс лоны артистӧн.

Январь 25 да 31 лунъясӧ буретш лоас тайӧ концертыс.

* * * Антон Куратов юксьыштіс жӧ аслас сьӧлӧмкылӧмъясӧн да вочавидзис некымын юалӧм вылӧ:

–Ме медводдзаысь на вӧлі Кулӧмдінын. "Василей" гажсӧ видзӧдлывлі телевизор да ӧтуввез пыр, а ӧні артмис пытшкас веськавны. Миянӧс зэв бура сэні примитісны, сьылім да, ёна клопайтісны.

–Ачыд кутшӧм сьыланкывъяс гижан? Кывбуръ-ясыс аслад жӧ?

–Шуам, "Сиктӧй менам" сьыланын кывъясыс Альберт Ванеевлӧн, и тайӧ менам медводдза гажа сьыланкыв. Аслам жӧ пырджык артмӧны норджыкӧн.

Гижа ме сьӧлӧмкылӧмъяс йылысь, сьӧлӧм пытшкын мый эм, лирика. Кыдзи нӧ радейтчӧмтӧгыс? Ачым гижа жӧ кывбуръяс. Унджык сьыланкывсӧ лӧсьӧді аслам кывбуръяс вылӧ, а кор сюрӧ кутшӧмкӧ гижысьлӧн сьӧлӧм вӧрзьӧдана кывбур, то и сы вылӧ пукта шылад. А сідз кывза быдсикас музыкасӧ – и сӧвет кадсяӧс, и рок…

–Тэ босьтін вылыс тшупӧда тӧдӧмлун Щукин нима театральнӧй институтын, и ӧні асьтӧ ёнджыкасӧ кодӧн аддзан – сьылысь тэ али драма артист?

–Ми – шылада-драмаа театр, и тані сьылан уджыс мунӧ, сьыланкывъяс водзӧ гижсьӧны. Тайӧ меным кажитчӧ, и тайӧ абу нин хобби, а олӧмыслӧн пай, и абу ичӧт пай. Сцена вылын тшӧтш сьыла и ворса инструментъясӧн. Бур, мый театрын тшӧктӧны ассьым сьыланкывъяс сьывны.

–Ёнджыкасӧ тэнӧ олӧмад кыскӧ комиӧ, али рочыс эмышт жӧ?

–Сьыланкывъясӧс гижа и комиӧн, и рочӧн. Ме коми сиктын чужи, коми школаын велӧдчи, мам-батьӧй комиӧсь. Москвасянь ме мамкӧд телефон пыр век сёрниті комиӧн. И Коми театрын уджала. Меным тайӧ матыс.

–Кор видзӧдысьяс вермасны волыны тэнад сольнӧй концерт вылӧ?

–Театрса концертъясын ме сьыла, сідзкӧ, верманныд нин волыны. Армияӧ мунтӧдз мӧвпавлі нин аслам сольнӧй программа йылысь, и заводитлім репетируйтны. А ӧні сэсся кыдзкӧ кадыс озджык тырмы, но ми тайӧс юрын кутам на, и выль сьыланкывъяс гижсьӧны, и аранжировкаяс вӧчсьӧны. И регыдъя кадӧ, надейтча, лоас и аслам дзонь концерт.

–Кутшӧм матысса спектакль-концерт вылӧ коран волыны видзӧдысьӧс?

–Волӧй февраль 9 лунӧ видзӧдны миянлысь выль "Квартирник". Сэні и сьылыштам, и сералыштам. Чайта, лоас гажа.

Сёрнитіс Евгения САВИНА, Издательский дом Коми

Дзен
Год героев в Республике Коми


Реклама
  • ИП Попов А.П.
  • ИНН: 602715631406
Позвали Таню, и жены начали уводить мужей. Не стесняется стыдобы
Реклама
  • ИП Попов А.П.
  • ИНН: 602715631406
97-летний кардиолог: Если давление выше 130\90, выпейте 2 ложки…
Реклама
  • ИП Попов А.П.
  • ИНН: 602715631406
Кардиологи не ожидали, но эта вкуснятина очищает сосуды за ночь!
Реклама
  • ИП Попов А.П.
  • ИНН: 602715631406
Родинки и папилломы уйдут за 2 дня, если с утра намазать обычным…
Реклама
  • ИП Попов А.П.
  • ИНН: 602715631406
Школьники потрясли всю сеть этим танцем — смотреть без детей!
Реклама
  • ИП Попов А.П.
  • ИНН: 602715631406
Сделай это один раз, и боль в колене исчезнет навсегда...



На сайте осуществляется обработка пользовательских данных с использованием Cookie в соответствии с Правилами использования cookies. Оставаясь на сайте, Вы соглашаетесь с условиями Правил. Вы также можете запретить сохранение Cookie в настройках своего браузера.