Газета "Коми му" продолжает проект "Комиыд и Филиппиныын коми" ("Коми и на Филиппинах коми"), в рамках которой читателям рассказывает о живущих за границей коми, которые за долгие годы нахождения вдали от родины не забывают свой язык, уважают традиции и культуру коми, кроме того и детей своих учат разговаривать на родном языке. Сегодняшний гость - Илья Липин. Молодой человек из Усть-Кулома сейчас живёт и работает на Филиппинах.  Для русскоязычных представлен перевод.

Суйӧр сайын олысь комияс йылысь уджтаслы ним бӧрйигӧн кӧсйим, мед сійӧ вӧлі и синмӧ шыбитчанаӧн, и петкӧдліс, мый комиыд писькӧс да вермас и медся ылі странаас веськавны. И таын миянлы отсӧг вылӧ воис Илья Липин – Кулӧмдінын чужлӧм морт ӧні олӧ-уджалӧ Филиппиныын. Проектлӧн нимыс сэсся быттьӧ ачыс и чужис – "Комиыд и Филиппиныын коми". А сёрнитны кутім Илья Михайловичкӧд да чуймим – ме пӧ ӧні Карибса діясса Тёркс и Кайкос странаын. Му шар мӧдар помас!

Ильякӧд видеоконференция дырйи сёрниӧ "Коми му" газетын уджалысьяскӧд тшӧтш пырӧдчисны и искусство гимназияын велӧдчысьяс – "Горадзуль" альманахысь том журналистъяс.

Медся шуда лун

Илья искусство гимназия жӧ помавлӧма. А сыӧдз велӧдчӧма Кулӧмдінса школаын. 7-ӧд класс бӧрын пӧ мамӧкӧд, Земфира Александровнакӧд, локтім Сыктывкарӧ, и тӧдса пӧ висьталіс гимназия йывсьыд. Комиӧн пӧ сёрнитан, сідзкӧ, видлы гуманитарнӧй юкӧнӧ пырны.

–Мам бӧр Кулӧмдінӧ муніс, ме ӧтнам карын коли, – висьталіс Илья. – Ёртасьлім Ваня Тарабукинкӧд, Олег Пашнинкӧд. Найӧ арӧсӧн ичӧтджыкӧсь да, велӧді найӧс компьютерӧн вӧдитчыны. Виктор Михайлович Напалков миянӧс, кулӧмдінсаӧс, ас борд улас быттьӧ босьтіс, гӧтырыскӧд весиг гортсьыс пӧжас вайлывлісны. Бур кывйӧн казьтывла Мария Вячеславовна Кузьбожеваӧс, сьӧкыд здукъясӧ век туйдыліс бурланьӧ. Карын велӧдчигӧн найӧ меным мам да бать пыдди лоисны.

И мукӧд велӧдысьӧс Илья бурӧн жӧ казьтылӧ: Раиса Ивановна Вагнерӧс, Болеслав Владимирович Скроцкийӧс, Ирина Васильевна Голубеваӧс, Ирина Николаевна Томоваӧс, Евгения Александровна Паличенкоӧс… Гимназияын нёль воыс пӧ быттьӧ ӧти лун лэбисны – менам олӧмын тайӧ медся шуда луныс!

Велӧдчӧма и уджалӧма

Гимназияас на Илья босьтчӧма дасьтысьны пединститутса инязӧ пырны. Ме пӧ 1985-ӧд вося, а сэки кагаыс вель уна вӧлӧм чужӧ, и институтын велӧдчыны кӧсйысьыс тшӧтшъяяс пӧвстын уна жӧ вӧлі. Ӧнӧдз на пӧ оз эскыссьы, мый верми пырнысӧ.

Но и велӧдчынысӧ абу кокни вӧлӧма, войяснас узьны весиг абу век сюрлӧма – сы мында гортса удж сетлӧмаӧсь. Сэки жӧ институтын суйӧрсайса студентъяскӧд топыдджык йитӧдъяс кутӧмаӧсь лӧсьӧдны, и тайӧ отсалӧма Ильялы велавны бура сёрнитны англия кывйӧн.

Сійӧ кадас мамыс висьмӧма ракӧн, да велӧдчӧм кындзи Ильялы ковмӧма и уджавны, сьӧм нажӧвитны. Репетиторалӧма: коми, роч, англия кывъясысь, историяысь тӧдӧмлун содтӧма ныв-зонлысь. Тшӧтш и опера да балет театрса гардеробын зільӧма.

–Институтысь муна велӧдчысьяс дорӧ, а рытнас – театрӧ, – водзӧ висьталіс Илья. – Театрас эг сӧмын сьӧм нажӧвит, но и став концерт-спектакльсӧ видзӧді. Тайӧ, гашкӧ, тӧдчанаджык на сьӧм сертиыд да.

Кык во Москваын

Сьӧкыд висьӧмсьыс 2006 воӧ мамыс кувсьӧма. Ӧтка пи кольӧма ӧтнас. Но тайӧ лоӧма и сылӧн олӧмын выль тшупӧдӧн. Тӧдсаясыс корӧмаӧсь уджавны Москваӧ. Муртса пӧ помалі институтсӧ, казьтылӧ Илья, и пыр жӧ ньӧби ӧтарӧ мунан билет. Домодедово аэропортын вуджӧдчысьӧн зільӧма. Суйӧр сайсьыд воысьыс уна, и мунысьыс тшӧтш, роч кывтӧ, дерт, оз ставӧн тӧдны, и пыр вӧлӧм корӧны отсавны Ильяӧс.

Во джын мысти вуджӧма аэропорт стрӧитан компанияӧ. Веськӧдлысьыс пӧ Турцияын чужлӧма, велӧдчылӧма Германияын, Италияын, Великобританияын.

Ми пӧ сыкӧд, висьталӧ Илья, бур ёртъясӧн лоим.

Но 2008 воӧ мир пасьтала экономикаыс джӧмдӧма. Кризисыс уналы мӧрччӧма, тшӧтш и Ильялы. Воштӧ-ма уджсӧ, сӧмын пӧ аддзысьлӧм-сёрнитчӧм дырйи корлыны кутісны вуджӧдчыны.

А Москваыд пӧ дона кар, сьӧмыд чунь костӧд визувтӧ-мунӧ. Мӧвпала пӧ нин вӧлі бӧр Сыктывкарӧ бергӧдчыны.

Но бара на репетиторалӧмыс мездӧма. Ӧтуввезйын юӧр йӧзӧдӧма, и аскинас жӧ звӧнитӧма сылы медводдза велӧдчысьыс. Верстьӧ велӧдчысь – нелямын ӧкмыс арӧса. А аслыс Ильялы сэки кызь куим на тырӧма.

–Сёрнитчим аддзысьны 7 час асылын сылӧн удж вылын – банкын, – висьталіс Илья. – Локті, юася. Меным шуӧны: Марина Викторовна, миян президентным, виччысьӧ тіянӧс. Тӧдмасим, а сійӧ Комиысь жӧ вӧлӧма, Койгорт районысь. Республика пасьтала сылӧн рӧдвужыс уна. Сійӧ англия кывйӧн лӧсьыда сёрнитны кӧсйӧма, и менам велӧданногӧй кажитчӧма сылы. Быд лун уджас босьтчытӧдзыс, сизим час асывсянь, паныдасьлім. Позьӧ шуны, меным мойвиис медводдза велӧдчысьӧн.

Кык во Илья уджалӧма Москваын да казялӧма, мый водзӧ быдмӧм-сӧвмӧмыс сылӧн абу. Бара пӧ куті мӧвпавны, мый водзӧ мӧда вӧчны. Канадаысь ёртыс, кодкӧд Сыктывкарын велӧдчигас на тӧдмасьлӧма, корӧма Ильяӧс Грецияын сыкӧд аддзысьлыны, мыйкӧ пӧ ӧтлаын думыштам.

Аддзысьӧмаӧсь, и та бӧрын Илья мӧдӧдчӧма Канадаса университетын велӧдчыны.

Канадаын сизим во

–2010 вося декабрын виза босьті, а 2011-ӧдын февральын лэби Канадаӧ, Саскатаунса университетын политологияӧ да войвыв кар-муясӧн веськӧдланногӧ велӧдчыны, – висьталіс Илья. – Карта серти сӧмын тӧді, кӧні Саскатауныс меститчӧ. Коми пединститутын быд лун куим-нёль параӧн вӧлі, а Канадаын вежоннас кык час сӧмын занятиеясыс. Кызвынсӧ аслыд колӧ велӧдчыны, лыддьысьны. Та дорӧ ковмис жӧ велавны. Миянӧс тӧдмӧдісны, кыдзи колӧ войвыв каръясӧн веськӧдлыны, экономикасӧ гӧгӧрвоны, йӧзкӧд политкорректнӧя сёрнитны.

Велӧдчӧм бӧрас Ильялы вӧзйӧмаӧсь бур удж. Но зэв нин ылын – Канадаса дзик нин войвывса карын. И мунны сэтчӧ абу окотитӧма. Саскатаунас пӧ изӧймитан, а сэні нӧшта на кӧдзыдджык. Ильялӧн кывъяс серти, Саскатаунас Комиын дорысь куим пӧв кӧдзыдджык: вӧрыс ни гӧраяс абуӧсь, помтӧм эрдъяс – чизыр тӧвсьыс нинӧм оз видз.

И сійӧ мунӧма Ванкуверӧ, океан дорын ыджыд карӧ. Сӧлі пӧ машинаӧ да кызь куим часӧн Канада шӧрсянь вои страналӧн рытыввылӧдз. Но ыджыд карад сьӧкыд вӧлӧма уджсӧ аддзыны: вуджӧдчысьяс, велӧдысьяс, политологъяс сэні оз вӧлӧм ёна ковны. Йӧзӧдӧма ӧтуввезйын юӧр, корся пӧ кӧть кутшӧм удж. Вочавидзӧма Николай, океанса берег дорын ресторанысь шеф-пӧвар. Вужъясыс пӧ сылӧн рочӧсь, но рочнас гежӧда нин сёрнитӧ. Мед пӧ пусьысьнас некор эн уджавлы, век жӧ волы, видзӧдлан миянлысь уджсӧ.

–Кулӧмдінын миян вель ыджыд град йӧр вӧлі, быдторйыс сэні быдмис. И ме каникул дырйи волігӧн мамлы и ыджыд мамлы, Кулӧмдінын сійӧс тӧдӧны Павел Аннаӧн, век вӧлі пуся. Меным тайӧ зэв ёна кажитчӧ вӧлі, – висьталіс Илья.

Но ресторанад абу гортсаыдлы пусьӧмыд. Ловтӧ оз шонты. И век жӧ Илья кывкутӧмӧн уджалӧма, да сылы вӧзйӧмаӧсь шеф-пӧваръясӧс дасьтан школаын велӧдчыны. Велӧдчӧма. И медасьӧма университетса барӧ.

"Ывлаын" урокъяс

Ресторанын да барын Илья зільӧма сизим во, и бара на мӧвпыштӧма вежны олӧмсӧ. Мирсӧ пӧ окота лоис видзӧдлыны.

–Филиппиныас сыӧдз некымынысь нин ветлі да тӧді, мый йӧзыс сэні гӧля олӧны, челядьсӧ велӧдны оз вермыны. А менам кутшӧмсюрӧ йитӧд вӧлі волонтёръяскӧд, кодъяс велӧдӧны томуловсӧ ывлаын. Мыр аддзасны да лыддьысьны-гижны-артасьны велӧдӧны зонпосниӧс, кодъяслӧн абу позянлуныс школаӧ ветлыны, – висьталіс Илья. – Ёртъяскӧд ми шуим зумыдджык подув вылын лӧсьӧдны татшӧм велӧдчӧмсӧ: Филиппиныын лӧсьӧдны шӧрин, кытчӧ быдӧн кӧть кор вермас волыны. Аддзыны велӧдысьясӧс, кодъяс онлайн кутасны нуӧдны накӧд урокъяс. Корсим спонсоръясӧс, и уджыс пансис. Бур и сійӧ, мый гӧль челядьлӧн бать-мам гӧгӧрвоисны, мый быдтасъясыслы водзӧ олӧмас велӧдчӧмыс ковмас.

Но… Коронавируса вуджан висьӧм воӧма. Больничаяс тырӧмаӧсь висьысьнас, а Ильялӧн страховкаыс абу вӧлӧма, да сійӧ шуӧма недыр кежлӧ ветлыны Филиппиныысь Карибса діясӧ. Уджалӧма сэні гортса школаын.

Тӧдсаясыс, гозъя, татшӧмсӧ асланыс керкаын лӧсьӧдӧмаӧсь, велӧдчӧны сэні асланыс куим ныв-пи да нӧшта куимӧн волывлӧны. Квайт велӧдчысь пӧ миян, висьталіс Илья, да петкӧдліс ӧдзӧс вылӧ – сы сайын пӧ буретш урок мунӧ. А дас минут мысти пӧ экскурсия лоас – мунам кораллъяс видзӧдлыны.

–Тӧлысь-мӧд мысти бӧр Филиппиныӧ муна, – шуис сійӧ. – Сэні велӧдчысьясӧй менӧ виччысьӧны.

Европа, Азия, Америка

Ӧнія гимназистъяслы Илья Липинкӧд сёрниыс бур урокӧн жӧ лоис: найӧ аддзылісны, кыдзи ас вежӧр-мывкыдӧн верман писькӧдны олӧмад туй, венны сьӧкыдлунъяс, повтӧг босьтчыны выль уджӧ. Дерт, шензисны и, кытчӧ пӧ сӧмын абу волӧма Илья. Юалісны: кымын странаын пӧ вӧлін, да мыйӧн найӧ торъялӧны ӧта-мӧдсьыс?

–Ветымынысь унджыкын вӧлі, – вочавидзис Илья. – Канада – зэв мича страна: океан, гӧраяс, вӧр, тыяс, юяс. Вӧр-ваыс вӧрзьӧдлытӧм на, мунан да, туй вылад ошкӧд верман вочаасьны. Филиппиныын уна пляж, мукӧдыс вель ыджыдӧсь. Бразилияын, Коста-Рикаын, Панамаын вӧр-ваыс ловъя, и йӧзыс шаньӧсь. Азияын меным сьӧлӧм вылӧ воисны Япония, Тайвань, Китайысь ӧткымын места. Европаӧ туристъясӧс кыскӧ, Парижын кӧсйӧны аддзывны Эйфель башня, Лувр, Чехияын – важся Прага.

* * *

Видеоконференция бӧрын нин Илья ыстіс фотояс, снимайтӧма миянлы дивӧ кодь пемӧсъясӧс, быдмӧгъяс. Ӧти снимок пасйӧма тадзи: ӧблезяна заповедникын пӧ тайӧ пемӧсыс менӧ бӧрйис да сьылі вылын и унмовсис. А Тёркс и Кай-косса школаын вӧчӧм фото вылас челядь велӧдыськӧд чукӧртӧны пластик доз – сӧстӧм вӧр-ва вӧсна тӧждысьӧны.

Юалім Ильялысь и, тшӧкыда-ӧ волывлӧ чужанінас? Кык-куим вонас пӧ Комиӧ быть вола, мед оз вунӧдны менӧ. А чужан кывйӧс пӧ ме ачым ог вунӧд, сӧмын мукӧддырйиыс коми пыдди англия ногӧн мыйкӧ шусьылас. И содтіс на, кӧсъянныд кӧ пӧ пырӧдчыны миян уджтасӧ, любӧй кадӧ верманныд волыны Филиппиныӧ. Лоам пӧ радӧсь.

Да, сӧмын суйӧрсайса кывъястӧ велӧдыштам да…

 
Перевод на русский

Коми и на Филиппинах коми

При выборе названия для проекта о проживающих заграницей коми хотели, чтобы оно было броским и передавало то, что предприимчивый коми народ может попасть в самую далёкую страну. И в этом нам помог Илья Липин. Молодой человек из Усть-Кулома сейчас живёт и работает на Филиппинах. И название проекта родилось как будто само собой – "Коми и на Филиппинах коми".

А когда начали разговор с Ильёй Михайловичем, удивились – я, мол, сейчас на Карибских островах, в Тёркс и Кайкосе. На другом конце планеты!

На видеоконференции вместе с сотрудниками газеты "Коми му" были и учащиеся гимназии искусств – молодые журналисты из альманаха "Горадзуль".

Самый счастливый день

Илья тоже окончил гимназию искусств. А до этого учился в усть-куломской школе. После седьмого класса приехали с мамой, Земфирой Александровной, в Сыктывкар, и узнали от знакомого про гимназию. Тот посоветовал поступить на гуманитарное отделение, раз Илья говорит по-коми.

- Мама вернулась в Усть-Кулом, я остался в городе один, - рассказал Илья. – Дружили с Ваней Тарабукиным, Олегом Пашниным. Они на год младше, учил их пользоваться компьютером. Виктор Михайлович Напалков будто под своё крыло взял нас, усть-куломских, они с женой даже домашнюю выпечку приносили. Добрым словом вспоминаю и Марию Вячеславовну Кузьбожеву, в трудные моменты всегда помогала хорошим советом. Во время учёбы в городе они стали мне вместо мамы и папы.

Илья вспоминает с благодарностью и других учителей: Раису Ивановну Вагнер, Болеслава Владимировича Скроцкого, Ирину Васильевну Голубеву, Ирину Николаевну Томову, Евгению Александровну Паличенко…Четыре года в гимназии пролетели как один день – как самый счастливый день в жизни!

Учился и работал

Ещё в гимназии Илья начал готовиться к поступлению на факультет иностранного языка в пединститут. Я, мол, 1985-го года рождения, а тогда довольно много детей рождалось, и среди одногодок желающих учиться в институте тоже было предостаточно. До сих пор не верится, что смог поступить.

Учиться было нелегко, домашнего задания задавали столько, что даже ночами спать не всегда удавалось. Тогда же в институте начали налаживать контакты с иностранными студентами, и это помогло Илье научиться хорошо говорить по-английски.

В это время мама Ильи заболела раком, и кроме учёбы Илье пришлось ещё и зарабатывать деньги. Занимался репетиторством, преподавал детям коми, русский, английский язык и историю. Также работал гардеробщиком в театре оперы и балета.

- После института к ученикам иду, а вечером – в театр, - дальше рассказывает Илья. – В театре не только зарабатывал, но и смотрел все концерты и спектакли. Это, наверно, важнее, чем деньги.

Два года в Москве

В 2006 году после тяжёлой болезни скончалась мама Ильи. Единственный сын остался один. Но это стало новой ступенью в его жизни. Знакомые позвали работать в Москву. Только окончил институт, вспоминает Илья, и сразу купил билет в одну сторону. Работал переводчиком в аэропорту Домодедово. Приезжающих и уезжающих заграницу много. Русский язык, конечно, не все знают, и всегда звали на помощь Илью.

Через полгода перешёл в компанию по строительству аэропорта. Руководитель организации родился в Турции, учился в Германии, Италии, Великобритании. Они с Ильёй стали хорошими друзьями.

Но в 2008 году мировая экономика рухнула. Кризис затронул многих, в том числе и Илью. Потерял работу, приглашать стали только во время переговоров и встреч.

А Москва город дорогой, деньги утекают сквозь пальцы, как вода. У Ильи даже были мысли вернуться в Сыктывкар.

Но опять спасло репетиторство. Разместил в интернете информацию, и на следующий же день ему позвонила первая ученица. Взрослая ученица – сорока девяти лет. А Илье в то время исполнилось двадцать три.

- Договорились встретиться в 7 часов утра у неё на работе, в банке, - рассказал Илья. – Пришёл, спрашиваю. Мне отвечают: Мария Викторовна, наш президент, ждёт вас. Познакомились, а она, оказывается, тоже из Коми была, из Койгородского района. В республике у неё много родственников. Хотела свободно говорить по-английски, и моя техника преподавания ей понравилась. Занимались каждый день перед работой, с семи утра. Можно сказать, мне повезло с первой ученицей.

Два года Илья работал в Москве и заметил, что перспективы развития нет. Снова стал размышлять, что дальше делать. Друг из Канады, с которым познакомился ещё во время учёбы в Сыктывкаре, позвал Илью в Грецию, чтобы встретиться и вместе что-то придумать.

Встретились, и после этого Илья отправился учиться в канадский университет.

Семь лет в Канаде

- В декабре 2010 года получил визу, а в феврале 2011-го полетел в Канаду, обучаться политологии и управлению северными городами в университете Саскатауна, - рассказал Илья. – Только на карте знал, где Саскатаун находится. В Коми пединституте каждый день было три-четыре пары, а в Канаде только два часа занятий в неделю. В основном самому нужно учиться, читать. К этому тоже пришлось привыкнуть. Нас научили, как надо управлять северными городами, разбираться в экономике, политкорректно разговаривать с людьми.

После учёбы Илье предложили хорошую работу. Но очень уж далеко – в самом северном городе Канады. Ехать туда не захотел. В Саскатауне то замерзаешь, а там ещё холоднее. По словам Ильи, в Саскатауне холоднее, чем в Коми, в три раза: ни лесов, ни гор нет, бесконечные поля – ничто не спасает от пронизывающего ветра.

И он поехал в Ванкувер, в большой город возле океана. Сел в машину и за двадцать три часа добрался из центра Канады в западную часть страны. Но в большом городе возникли трудности с поиском работы: переводчики, преподаватели, политологи, оказывается, там были не особо востребованы. Разместил в интернете информацию, что ищет любую работу. Откликнулся шеф-повар прибрежного ресторана Николай. Корни у него русские, но разговаривал по-русски уже редко. Хоть Илья никогда и не работал поваром, тот всё равно его позвал, мол, приходи, посмотришь на нашу работу.

- В Усть-Куломе у нас был очень большой огород, что там только не росло. И я, когда приезжал на каникулы, всегда готовил для мамы и бабушки, в Усть-Куломе её знают как Павел Анна. Мне это очень нравилось, - рассказал Илья.

Но готовить в ресторане – это не для домашних варить. Душу не греет. И всё же работал Илья ответственно, и ему предложили поучиться в школе по подготовке шеф-поваров. Выучился. И устроился в университетский бар.

"Уличные" уроки

В ресторане и баре Илья проработал семь лет, и снова решил поменять свою жизнь. На мир захотел посмотреть.

- На Филиппины до этого уже несколько раз ездил и знал, что люди там живут бедно, детей учить не могут. А у меня были кое-какие связи с волонтёрами, которые обучают молодёжь на улице. Поставят стол и учат детей, у которых нет возможности ходить в школу, читать, писать и считать, - рассказал Илья. – Вместе с друзьями решили сделать такое обучение на более серьёзной основе: создать в Филиппинах центр, куда в любое время  сможет прийти каждый. Найти преподавателей, которые будут вести уроки онлайн. Нашли спонсоров, и работа началась. Хорошо и то, что родители бедных детей поняли, что их ребятам учёба пригодится в дальнейшей жизни.

Но… Пришла заразная болезнь – коронавирус. Больницы были переполнены, а у Ильи не было страховки, и он решил ненадолго уехать с Филиппин на Карибские острова. Там работал в домашней школе.

Знакомые Ильи, семейная пара, организовали такую школу у себя дома. В ней обучаются трое их собственных детей, и ещё трое приходят на занятия. У нас шесть учеников, рассказал Илья, и показал на дверь – за ней как раз идёт урок.  А через десять минут будет экскурсия – пойдём смотреть кораллы.

- Через месяц обратно поеду на Филиппины, - сказал он. – Там меня ученики ждут.

Европа, Азия, Америка

Нынешним гимназистам разговор с Ильёй Липиным стал хорошим уроком: они увидели, как с помощью ума можно проложить себе дорогу в жизни, справиться со сложностями, без страха взяться за новую работу. Конечно, и удивлялись, мол, куда только не ездил Илья. Спросили: в скольких странах бывал, и чем они отличаются друг от друга?

- Был в более пятидесяти странах, - ответил Илья. – Канада – очень красивая: океан, горы, лес, озёра, реки. Природа не тронутая ещё, идёшь, и на дороге с медведем можешь встретиться. На Филиппинах много пляжей, некоторые очень большие. В Бразилии, Коста-Рике, Панаме природа живая, и люди добрые. В Азии мне понравились Япония, Тайвань, в Китае несколько мест. В Европу туристов тянет, в Париже хотят увидеть Эйфелеву башню, Лувр, в Чехии – старую Прагу.

***

Уже после видеоконференции Илья отправил нам снимки, на которых сфотографировал местных животных и растения. Один снимок так подписал: в заповеднике для обезьян это животное выбрало меня и так и уснуло на моей шее. А на сделанных в школах Тёркс и Кайкоса фотографиях дети вместе с учителем собирают пластиковые ёмкости – заботятся о чистой природе.

Также спросили у Ильи, часто ли приезжает на родину? Каждые два-три года, мол, обязательно бываю в Коми, чтоб меня не забыли. А родной язык я сам не забуду, только иногда вместо коми фраз что-то по-английски выскакивает. И ещё добавил, если хотите присоединиться к нашей программе, можете в любое время приехать на Филиппины. Будем рады.

Обязательно, только подучим иностранные языки.