2025 вося косму тӧлысь 1-11 лунъясӧ Сырктывкарын мунӧ Педагогическӧй мастерлунлӧн ыджыд профессиональнӧй вежон. "Коми велӧдысьлӧн" юбилейнӧй конкурсын участвуйтӧны 13 педагог: 5 кагульнича да 8 чужан кыв велӧдысь.
Усинск, Кӧрткерӧс, Кулӧмдін, Луздор, Изьва, Сыктывдін, Удора районъясысь да Сыктывкарысь аньяслы ковмас нуӧдны урок либӧ занятие, петкӧдлыны мастер-класс, интересуйтны бать-мамӧс велӧдан мероприятие вылын, а сідзжӧ участвуйтны брифингын.
Тайӧ конкурснӧй лунъясӧ велӧдысьяс да кагульничаяс петкӧдласны коми кыв велӧдӧмын ӧнія подходъяс, восьтасны ассьыныс педагогическӧй гусяторъяссӧ.
Коми Республикаса национальнӧй политика министерство дасьтіс быд конкурсантка небӧгъясысь да мультимедийнӧй прӧдукцияысь козин, кутшӧмъяс отсаласны дасьтыны коми кыв велӧдӧм кузя занятиеяс да урокъяс.
