Новости Республики Коми | Комиинформ

А ме – школаӧ

А ме – школаӧ
А ме – школаӧ
logo
А ме – школаӧ
Фото Екатерины МИКУШЕВой

Тавося мича гожӧмыс бӧръя лунъяс нимкодьӧдӧ миянӧс. Матыстчӧ зарни ар, а сыкӧд тшӧтш и выль велӧдчан во. 

Сентябрь 1 лунӧ Россияса став школаын, а сідзжӧ и вылыс да шӧр тшупӧда велӧдчанінъясын, пасъясны Тӧдӧмлунъяслысь лун. Тайӧ велӧдчысьяслӧн, бать-мамлӧн, велӧдысьяслӧн гаж. Но торйӧн нин кыпыд налы, кодъяс медводдзаысь на мӧдӧдчӧны школаӧ. Налӧн ӧд заводитчӧ дзик выль олӧм, и медводдзаысь парта сайӧ пуксьӧмыс  нэм кежлӧ кольӧ паметяныс.

Сыктывкарын Коми национальнӧй гимназияӧ первой классӧ таво пырас и Маша Ливсон (снимок вылын).

–Гимназияыс миян керкасянь неылын. Тайӧ зэв бур. Сэсся и ыджыдджык Варя нывным буретш сэні босьтӧ тӧдӧмлунсӧ, – висьталӧ  нывкалӧн мамыс Екатерина Ливсон. – Нӧшта бур сійӧн, мый гимназияас велӧдӧны коми кыв. Да и велӧдысьыс тӧдса, том да енбиа. Нимкодь, мый Светлана Витальевна Маркова кутас велӧдны лыддьысьны-гижны ичӧтджык нылукнымӧс.

Екатерина МИКУШЕВА