Выльторъяс
12:50
Виктор Cавин:"Öтув вöчам ыджыд коми театр!"

1936 вося август 30 лунö Максим Горькийлысь "Егор Булычёв" спектакль петкöдлöмöн воссис коми национальнöй театр. Ворсісны сэні Ленинградын велöдчöм бöрын воöм том йöз. Нёбдінса Витторлы ставныс вöліны тöдсаöсь, а кодсюрöкöд и уджавлісны öтлаын 1930-1931 воясö. Сэки Нёбдінса Виттор тöждöн да юрнуöдöмöн лöсьöдісны коми артистъясысь ворсан-ветлан котыр (КИППТ). Передвижнöй театрын этшаника быдмöм-велалöм бöрын ворсысьяс мунісны Ленинградö судзöдны збыль артист ним: 1932 воын — Ф. Юранева, Н.Дьяконов, И.Потолицын да П.Мысов, 1934-öдын — С.Ермолин, А.Каликова, И.Попов, Б.Фролов.

10 ОКТЯБРЯ 2013 | Четверг
10:54
Мыйöн нималö Ёгуш?

Газетлöн кольöм номерын ми гижим, мый "Родина" вöвлöм кинотеатр стенö öшöдöмаöсь Георгий Степанович Лыткинлы (Ёгушлы) казьтылан пöв, да дженьы-дика пасйыштім, мыйла сэні йöзöдöм юöрыс ылöдчана. Талун паськыдджыка тöдмöдам лыддьысьысьöс учёнöйкöд, кыв да история туялыськöд, вуджöдчыськöд.

3 ОКТЯБРЯ 2013 | Четверг
14:09
Восьса морöса Жан Морöс

Пöддельнöйса бурдöдчанінын Иона Тимофеевич бöрся дöзьöритіс ачыс веськöдлысьыс – А.С.Посников. Вой и лун сійö эз вешйыв висьысь дорысь, паньöдіс-юкталіс, мыськаліс. Кор висьысьлы лоис дзик нин лёк, санаторийö воисны сылöн Тима Вень ыджыдджык вокыс да ёртъясыс Сандрö Васьö (Василий Молодцов) да Йöй Микит (Афанасий Маегов) гöтырыскöд.

19 СЕНТЯБРЯ 2013 | Четверг
11:19
Гижтöм кö, абу тэнад

Уна нин сёрнитöма-гижöма му да керка-овмöс асэмбуралöм кузя. Неважöн "Коми му" газет йöзöдліс Кöрткерöс районса олысьяслöн БТИ-ын "кабала дзугйö" веськалöм йылысь гижöд. БТИ-ö шыöдчысьыс уна, быдöнлы, дерт, абу ставыс гöгöрвоана.

16 СЕНТЯБРЯ 2013 | Понедельник
09:03
"Югыд ваын" зарни перйыны оз позь

Россияса Верховнöй суд кывкöрталіс, мый "Югыд ва" национальнöй паркысь "Чудное" зарни куйлöдсö петкöдöмыс торкö Россияса оланпас да войтыркостса став кöсйысьöмсö.

08:58
А кодлы тайö колö?

Уна нин гижöма да сёрнитöма диспансеризация йылысь. Но оз на ставныс тöдны, мыйла да кодлы сійö колö, кор да кытчö шыöдчыны. Сентябрь 10 лунö Коми Республикаса Юралысьлöн Общественнöй приёмнöйын котыртлісны та кузя "веськыд йитöд", да телефоныс эз и лöньлы.

4 ИЮЛЯ 2013 | Четверг
16:37
Аринаöс виччысьöны армияын

Сыктывкарысь Арина Пыстинаöс медколледж помалöмöн чолöмаліс Коми Республикаса Юралысь Вячеслав Гайзер. Сійö сетіс нывлы велöдчöм йылысь диплом. Юралыссянь том нывлы вичмис и казьты-лана пас — часі.

16:20
Омöльсьыд бурыд оз чуж

Республикаса юркарын 5 во коставлöм бöрын бара на котыртлісны бур пöрöдаа пемöс-лэбач петкöдлан-вузавлан выставка. Таво сійöс нуöдісны дас кыкöдысь нин "Бöрйы ассьыным!" пас улын.

3 ИЮЛЯ 2013 | Среда
16:01
Светлана Горчакова: "Буретш комилы усис шуд"

"Коми му" сюся лыддьысьяс, дерт, казявлісны газетысь Коми Республикаса культура министерстволысь да вужвойтырлöн шылада-драмаа театрлысь театрса да киноса артистö велöдчыны окотитысьясöс бöрйöм йылысь йöзöдöм юöр. Сэні сöмын пасйöма Москваса Б.Щукин нима театральнöй институтö пырны кöсйысьяслы öткымын шöр корöм. Ми корим вужвойтырлöн шылада-драмаа театрысь художественнöй веськöдлысь Светлана Горчаковаöс паськыдджыка висьтавны та йылысь.

27 ИЮНЯ 2013 | Четверг
16:03
Велöдчыны - карö

Койгорт районса Грива сиктысь Кирилл Нечаев таво помалöма школа. Экзаменъяссö гижöма бура. Öні мöвпалö, кытчö мунны велöдчыны водзö: прокуратура институтö либö вузö, кöні дасьтöны МЧС-лы уджалысьясöс.

6 ИЮНЯ 2013 | Четверг
14:26
Медводдза редактор

Коми мулысь кольöм кадсö туялысьяс мам кывъя газет-журнал йылысь сёрниын пырджык казьтыштöны Дмитрий Степанович Поповлысь да Виктор Алексеевич Савинлысь нимъяссö. Буретш найö пö вöчисны панассö коми печатьлы, сійö ылі воясас босьтчисны лэдзны Комиын медводдза газет.

14:18
Кöсйöмыс эз збыльмы

2013 воыс тшупöда абу сöмын "Коми му" газетлы. Таво тырö коми гижысь, драматург Виктор Алексеевич Савинлöн чужöмсянь 125 да кулöмсяньыс 70 во.

30 МАЯ 2013 | Четверг
14:43
"А кор локтас мамöй?.."

Быд кагалöн эм право овны семьяын, тшöтш и ичöтик Анжеликалöн (снимок вылын). Но талун сылöн абу мам ни бать. И татшöм дзолюкыс миян республикаын зэв на уна.

14:38
"Жени се, синко, жени се"

Комиысь вужвойтырлöн шылада-драмаа театр неважöн воис Болгарияысь, кöні муніс комедияяслöн ставмирса кöкъямысöд фестиваль. И Габровоын, коді нималö анекдотъясöн, коми шмоньтö донъялісны вылö. Миян артистъяс лоисны сэні вермысьясöн. Эм эськö жюри, кытчö пырöны уна странаысь драматургъяс да критикъяс, но бöръя кывйыс — видзöдысь сайын.

14:33
Пакöсьт. А, гашкö и, абу?

Россияын быд во му-ваö визувтö 5 (!) миллион тонна мусир.

14:29
Слабог, палялім...

Аскомысь Челядьöс доръян лунсö пö кутам пасйыны садь юрöн. Тадзи тшöктöны-индöны ыджыд чина йöз. Лунтыр пö Россия пасьта мед абу вöлі вузалöма курыдтора ни öти сулея. Ни верстьöлы, ни челядьлы.

17 МАЯ 2013 | Пятница
09:13
Посни челядьöс мывкыдас туйдіс

Ёна жö ме радейтлі ичöтдырйи видзöдны сцена вылын ворсöмтö. Артистъяснас вöліны школаын велöдысьяс. Öтчыд найö петкöдлісны Виктор Савинлысь "Райын" да "Инасьтöм лов" пьесаяс серти спектакль. Сюзь Матвейлысь Анделсö ворсіс сэки зэв на томиник да мича ныв Альбина Ивановна Попова, Выльгортса школаын ичöт классъясысь челядьöс велöдысь. Сöстöм мелі чужöма, пелькиник вöраса, вöсньыдик коска, небыдик гöлöса – ёна жö радейтанаöн вöлі том артистканым. Кутшöма жö мойвиис Выльгортса школаысь челядьлы татшöм велöдысьыдкöд!

18 АПРЕЛЯ 2013 | Четверг
15:35
Кутшöм туйöд мунан, сійö и тэнад...

—Бычöсö куканьсьыс верман торйöдны? — юалöма "Красное знамя" газетысь редактор Василий Кушманов Александр Ульяновлысь, коді сöмын на помалöма пединститут да локтöма медасьны редакцияö. Кыдз оз куж, сиктын чужлöма-быдмылöма да, Дереваннöйын. И том мортöс индöмаöсь корреспондентöн видз-му овмöс юкöнö.

11 АПРЕЛЯ 2013 | Четверг
13:59
А кöні, ог кö тані?

—Мукöддырйи мöвпала — дышöдіс, вежа уджöс, а сэсся думöй мöдарö бергöдчö. А кытöн кута уджавны, ог кö тані? Ачымöс мöдлаын ог и аддзы... Тадзи пансис миян сёрниным Помöсдінса школаын коми кыв да литература велöдысь Татьяна Владимировна Уляшевакöд.

4 АПРЕЛЯ 2013 | Четверг
11:21
Иван, гиж...

Иван Белыхлöн нимыс Комиын олысьяслы бура тöдса. Енбиа журналист да гижысь 42 воöн, буретш та дыра сійö зілис газетын, волöма республикалöн быд пельöсö. Кор Иван Ильичкöд сёрнитім, чуйми, öнöдз помнитö ассьыс став геройсö да.

1 АПРЕЛЯ 2013 | Понедельник
13:30
Выльöс эськö...

Помöсдін – Кулöмдін районса зэв мича сикт. И тані олысьяс сьöлöмсяньыс радейтöны ассьыныс оланінсö. Ас му дорö муслунсö наын пестöны ичöтсяньыс, школаын. А мыйöн олö Помöсдінса школа талун, ми сёрнитам директор Фрида Эммануиловна Линдткöд.

14 МАРТА 2013 | Четверг
21:26
Паччöр вылын мыш оз пöж

Помöсдінса бабушъяс паччöр вылын мыш оз пöжны. Быд лун исласьöны лызьöн. Коді кыдзи вермö, сідзи и шлывгö-мунö.

9 МАРТА 2013 | Суббота
20:27
Татшöм ань

Некрасов на гижлöма, эмöсь пö аньяс, кодъяс рöдтысь вöлöс сувтöдасны, ыпъялысь керкаö пырасны. Быдтор вермасны вöчны: и ассьыныс удж-ноксö, и мужичöйлысь. Оз, майбыр, некытчö йöрмыны. Помöсдінысь Валентина Игнатова некодлы жö вомас оз видзöд. Кык челядя том аньлöн пельпом вылын став овмöсыс кутчысьö.

28 ФЕВРАЛЯ 2013 | Четверг
17:06
Бара пöръялісны...

Кöрткерöс районса Ыджыдвиддзын олысьяс оз вермыны инавны челядьсö детсадйö. Пöшти куим во сайын ёрдлöн шуöм серти сиктса детсадсö тупкöмаöсь. Йöзсö эскöдöмаöсь, 2013 воын кыпöдасны выльöс. Но, тыдалö, пöръялöмаöсь...

21 ФЕВРАЛЯ 2013 | Четверг
12:36
Муніс Öльöксан война вылö...

Письмö Öльöксансянь кык и воліс. Война помасис, ловйöн кольöмаяс локталöны, а сысянь шы ни ру.

14 ФЕВРАЛЯ 2013 | Четверг
12:19
Газетыд — бур мывкыд сетысь

Быттьö дзик на неважöн "Коми му" газет лыддьысьяс да сійöс вöчысь-лэдзысьяс пасйисны нималана петаслысь чужан лунсö – 90 вося юбилей, а ныр улын газетлöн выль тшупöда пас – 95 ар тырöм.

7 ФЕВРАЛЯ 2013 | Четверг
11:20
Важся Египетысь — Комиö?

Археологияыд, тыдалö, медся аслыспöлöс наука. Зэв на уна сэні гусяыс, гöгöрвотöмыс, мый колö туявны-корсьны-аддзыны. Содтöд ставыс тайö, кыдз шуласны, кыз му улын. И татшöминсö колö на жö первой казявны. Мутö пö колö кужны лыддьыны, эскöдö история наукаса кандидат, доцент, Коми наука шöринысь кыв, литература да история институтöн веськöдлысьöс вежысь Игорь Васкул. Сöмын пö сэки асьтö верман шуны археологöн. Пасъям, Игорь Орестович наукаын зільö нин 30 во, а экспедицияö ветлö матö 40 во...

31 ЯНВАРЯ 2013 | Четверг
12:05
Гöгöрвоны да пыдди пуктыны

Галина Ивановна Габушева чужис Кöрткерöс районса Шойнаты сиктын, велöдчис Санкт-Петербургын культура академияын, уджаліс Шойнатыса, Кöрткерöс районса да Национальнöй библиотекаясын. Сэсся дыр кад зілис уна сикас войтырлöн министерствоын, Комиын Россияса Президентöс петкöдлысьлöн аппаратын, республикаса Юралысьлöн администрацияын. 2008 воын сійöс индісны национальнöй политикаса министрöс вежысьöн, а 2011 воö — министрöн.

24 ЯНВАРЯ 2013 | Четверг
12:15
Пшемыслав Маевски: "Важся бур оласногсö колö видзны"

Коми регионса "Эзысь парма" некоммерческöй фондлöн зільöм-водзмöстчöм йылысь бура тöдöны миян республикаын олысьяс. Кольöм во помын вöлі кык аслыспöлöс тшупöда пас – тырис фондсö котыртöмсянь 10 да "Луздор" Модельнöй вöр" проект панöмсянь 15 во.

17 ЯНВАРЯ 2013 | Четверг
13:09
Мыйöн верма, отсала...

Сыктывкарысь врач-иглорефлексотерапевт Александр Николаевич Гудырев унаöс жö нин кок йылас сувтöдöма. Сійö ичöтсяньыс кöсйöма лоны бурдöдысьöн.

27 ДЕКАБРЯ 2012 | Четверг
12:12
Шонді, пос...

Финн-йöгра страна-регионысь студентъяс IFUSCO вылö Сыктывкарö чукöртчылісны кыкысь: 1999 (Россияын сэки медводдзаысь та-тшöм конференцияыс вöлі) да 2003 воясö. Таво тулысын вöлі Тартуын (Эстония), а локтан воö Сыктывкар бара корис рöдвуж войтырöс Комиö.

20 ДЕКАБРЯ 2012 | Четверг
12:51
Öдыс мед эз чин

Февральын коми войтырлöн дасöд съезд дырйи вöлі вöзйöма лöсьöдны "Коми велöдысь" общественнöй котыр да быд во чукöртлывны сэтчö пырысьясöс. Сэки жö съезд вылö воöм велöдысьяс и гижисны выль котырö пырöм йылысь шыöдчöмсö. Эз сöмын Комиысь, но и Ненеч, Перым-Коми кытшъясысь войтыр, и котырыс пыр жö лоис регионъяскостсаöн. Тулыснас бöрйисны öкмыс морта правление, веськöдлысьнас лоис Мария Кузьбожева.

12:48
Аддзысям Оулуын

Финн-йöгра войтырлысь кыв, литература да культура туялысьяс, кыдзи и мирса мукöд учёнöйяс, кадысь кадö аддзысьлöны асланыс конгрессъяс вылын, кöнi найö вöчöны кольöм уджыслы кывкöртöдъяс, сёрнитöны водзö вылö могъяс йылысь. Тайö отсалö зiльджыка сöвмöдны финн-йöгра наукасö, лöсьöдны рöдвуж кывъя войтыр костын топыдджык йитöд.

13 ДЕКАБРЯ 2012 | Четверг
13:01
Гран-приыс – миян!

Декабрь 7 лунö республикаса юркарын нимöдісны быд вося "Признание" конкурсын вермысь журналистъясöс.

12:56
Нимкодь пантасьны!

Миян республикаын олö 650-ысь унджык перымса коми. Некымын во сайын найö лöсьöдісны ассьыныс котыр, веськöдлысьнас бöрйисны Василий Осиповöс. Неыджыд кадколастöн удитісны нин нуöдны уна сикас аддзысьлöм, Сыктывкарö концертъясöн корлісны Гайна районса "Веселушки" да Кочев районса "В кругу цветов" котыръяс.

6 ДЕКАБРЯ 2012 | Четверг
14:47
Ок, эськö, пöльöн кö лоны...

Игорь Янковкöд ме тöдмаси Виктор Савин нима драматическöй театрлöн гастроль дырйи. И мыйлакö зэв окота лои босьтны сылысь интервью. Гашкö, аслас мыгöрнас да олöм вылö видзöдласнас мукöдсьыс ёна торъяліс да, сійöн. И со сюрис помкаыс! Игорьлы, вöлöмкö, 50 арöс тырöма!

29 НОЯБРЯ 2012 | Четверг
17:19
Кöза йöлысь – майтöг

Дедыс кöртысь вöчасьö, тьöт-каыс вурсьö, мамыс кысьö, батьыс пуысь вöчасьö да серпасасьö... Кысь нö сэсся татшöм семьяын оз чуж енбиа ныв? А висьтала ме Диана Петракова йылысь. Помöсдінса тайö аньыс пуö кöза йöлысь ... майтöг.

22 НОЯБРЯ 2012 | Четверг
14:45
Вельмöмаöсь...

2012 воын республикаын ытва кежлö дасьтысян ведомствояс-костса комиссия тöдмалöма, мый Колваö усьысь Безымянный-2 шорö пö веськалöма мусир. Кыдзи да мыйла татшöмыс вермис лоны? Нинöмö öмöй эз велöд 1994 воын Усинскын неминучаыс, кор потöм трубаысь ылькнитіс зэв уна мусир?! Аслас дум-вöзйöмöн юксьö Печораöс доръян комитетö пырысь Валентина Семяшкина.

  Рубрика:
 Место:
14:36
Кöлысь дырйи кö сувтсöн зэрö...

Панюков гозъялöн вит челядь: куим ныв да кык пи. Öні Елена Егоровна оз уджав. Горт овмöссö кутö. Дерт, и верöсыс быдторйын отсасьö. Ыджыд семьянад тöжд-нокыс юр выв тыр. Но гозъя оз элясьны, öтсöгласöн-ладöн олöны да.

15 НОЯБРЯ 2012 | Четверг
14:29
А чимитö, вöлöм, восьсöн кыйöны

Чими, нельма да стерлядь кыйысьöс талун чорыда мыждöны, стöчджыка кö, штрапуйтöмысь öтдор панöны уголовнöй делö. Тадзи индöма чери кыян правилöясын. Но Россияса тайö оланпассö оз пыдди пуктыны, вöлöмкö, Мозын ю вылын... Мыйла?

8 НОЯБРЯ 2012 | Четверг
13:22
Туйяс — вердысьяс

Коми войвылын туйяслöн тöдчанлуныс век вöлі ыджыд: паськыд Коми муын колiс уналаö ветлыны, йöзыс овмöдчöмаöсь вöлi зэв паськыда, ылö ветлывлöмаöсь вöравны. Тöвнас мунлöмаöсь уджавны Уралö да Из сайö, Сибырö, Питерö да Кардорö. Эз öд весьшöрö коми йöз векджык лым сылöм бöрын ветлыны ва кузя, му туйöд, лым усьöм бöрын пуксьывлыны доддьö.

2 НОЯБРЯ 2012 | Пятница
13:47
"Ныв сетöм"

Коми литературалы подув пуктысьясысь öти — Вениамин Тимофеевич Чисталёвлöн чужöмсяньыс октябрь 20 лунö тырис 122 во. Такöд йитöдын выльысь и выльысь казьтывсьö тайö енбиа мортыс, велöдысьыс. А сылöн гижöдъяслöн тöдчанлуныс пыр содö. И туявны олöмсö, уджсö, творчествосö позьö уна боксянь. Öд гижліс уна пöлöс жанрын. Югыд да сöстöм сылöн поэзияыс, пыді мöвпаöсь висьтъясыс, мывкыдöсь басняясыс, ворсанаöсь пьесаясыс. Лыддян да, воссьö збыльысь Коми му, гöгöрвоана коми морт. Ме кöсъя нуöдны сёрнисö, кыдзи пырöдчöма йöзлöн олöмö сылöн театральнöй творчествоыс.

13:42
"Ме öд тайö сцена вылас уси..."

Россияса заслуженнöй, Коми Республикаса народнöй артист Анатолий Измалков ноябрь 8 лунö пасйö 65 арöс. Мöд лунас сылöн бенефис — "Куратов" опера, кöні сійö ворсö шöр рольсö. Тшупöда пас водзын артист аддзысьліс "Коми му" газетса корреспонденткöд.

25 ОКТЯБРЯ 2012 | Четверг
11:06
Полякöс — Комиö, комиöс — Уралö

Быд во октябрь 30 лунö Мария Андреевна Нестерова ветлö Дереваннöйса шойна вылö, пуктö Ян да Екатерина Милашъяслöн гу вылö сьöд нянь да сов. Эз ас вöлясьыс воны Комиö поляк да украинка, и няньыс да солыс медъёна эз тырмыв налы оліганыс...

22 ОКТЯБРЯ 2012 | Понедельник
14:00
Видз вöрсялö,войтырыс бырö

Уна во сайын ветлі Лопыдінö. Дзоридзалысь турун пиын дзебсьöмаöсь неыджыд керкаяс. Сиктын вöлі уна том йöз да челядь. Öти кильчö вылын пукалісны пöчьяс. Куимнанныс — тшап сатин ковтааöсь, лымъеджыд ситеч чышъянаöсь. Шань, сёрниö пырны дась чужöмаöсь. Тöдмалісны, мый ме пезмöгса, да дзикöдз гажмисны: "А Пиё Иван Тима ловъя на?" Мися, ловъя, сійö менам бать. Варовмим. Унаысь дум вылö усьлö тайö гажа, восьса сьöлöма йöза оланіныс. Сэтшöм вöлі телепит волыны сэтчö бара...

13:43
Из сайын, нюръяс пöлöн

Язьваса комилöн талунъя да аскиа олöм йылысь.

11 ОКТЯБРЯ 2012 | Четверг
15:01
Ме сьöлöмöн и лолöн поэт

Комияс шуöны: "Ар — гöтрасян кад", а миян тай артмö "Ар — небöг нимöдан кад". Со неважöн юркарса коми культура шöринын кыпыда нимöдiм Иван Белыхлысь "Кöмтöм кока челядьдыр" выль петассö. Та пöрйö бара жö тайö шоныд коми керкаас чукöртлiм рöдвужсö, ёртъяссö, томуловöс да бур йöзö "петкöдiм" Эдуард Тимушевлысь "Помасьлытöм муслун" выль ичöтик небöгсö.

14:53
Позтыкерöсын сьöлöмöй бурмис

Лöкчим ювывса оланінъяс скач мунöм да сэтчöс сикт-грезд вöсна майшасьöм бöрын сьöлöм бурмис Позтыкерöсын. Гашкö, сы вöсна, мый сэтчö кежигöн воссис синтö гажöдана серпас. Паськыд эрдъяс. Ылöдз-ылöдз арся вöр-ваыс вералö. Шуйгавылас озыр йöзлöн тшап керкаясöн мичмöм Баяркерöс. А гашкö, сы вöсна, мый зумыш кымöръяс пöвстын виччысьтöг мыччысисны яръюгыдлöз лестукъяс, сэсся и шонді вашнитіс.








Индекс цитирования Яндекс.Метрика Рейтинг@Mail.ru Статистика Система Orphus