Новости Республики Коми | Комиинформ

Гöгöрвоны да пыдди пуктыны

Гöгöрвоны да пыдди пуктыны
Гöгöрвоны да пыдди пуктыны
logo

Галина Ивановна Габушева чужис Кöрткерöс районса Шойнаты сиктын, велöдчис Санкт-Петербургын культура академияын, уджаліс Шойнатыса, Кöрткерöс районса да Национальнöй библиотекаясын. Сэсся дыр кад зілис уна сикас войтырлöн министерствоын, Комиын Россияса Президентöс петкöдлысьлöн аппаратын, республикаса Юралысьлöн администрацияын. 2008 воын сійöс индісны национальнöй политикаса министрöс вежысьöн, а 2011 воö — министрöн.

—Галина Ивановна, öні и паспортад весиг оз пасйыны национальносьттö. Гашкö, сёрнисö весиг кыпöдны оз нин ков?

—Национальносьтыд век йитчö войтырлöн кывкöд, культуракöд. Та вöсна и сёрнитам сы йылысь тшöкыда. И мед эськö татшöм сёрниыс отсаліс уна сикас войтырлы бурджыка гöгöрвоны öта-мöдсö, тöдны да пыдди пуктыны став бурсö, мыйöн озырмöдіс сійö либö тайö войтырыс культурасö, философиясö, экономикасö, миян олöмлысь мукöд юкöнсö, вылö донъявны öтсöгласа олöм лöсьöдöмö сылысь пайсö. Вöр-валöн öд зэв уна рöмыс, сідзи и войтырыс уна сикас.

—Комиыд некор эз öтдортлы некодöс, коді веськавліс-воліс войвылö. Унаöн кутісны радейтны Коми мунымöс, вужъясисны татчö. Нöшта на бурджык, мый найö зільöны видзны ассьыныс культурасö, оланногсö. Министерство отсалö налы таын?

—Государство аслас национальнöй политикаын шöр могнас индö видзны Комиын олысь уна сикас войтыр костын öтсöгласлунсö, ёрта-ёртöс гöгöрвоöмсö. Тöдчана, мый таво министерство вöзйис дасьтыны "Коми му" газетын республикаса войтыръяс йылысь лист бок. "Öтсöгласöн" юрним улын гижöдъясыс кутасны петны быд тöлысь.

Нимкодь, мый республикаын воысь-во пыр унджыкöн кöсйöны пыдісяньджык тöдмасьны национальнöй культураöн да историяöн, войтыръяс костын йитöдъясöн, налöн тöждъясöн. Сідз, комияс ёна водзмöстчöны вужвойтырöс сöвмöдöмын, финн-йöгра öтувъя чукöртчöмъяс нуöдöны, а национальнöй диаспораяс ассьыныс уджсö сöвмöдöны-паськöдöны. Министерство отсалö котыртны уна сикас войтырлысь культура лунъяс, праздникъяс да фестивальяс.

—Татчö локтöм йöз кындзи, дерт жö, оз позь вунöдны и вужвойтырöс. "Коми войтыр" öтмунöмлы кызь во нин тырис. Кутшöм удж нуöданныд накöд? Мый выльыс лоас таво?

—Коми йöз öтувтчöмаöсь некымын гырысь öтмунöмö: "Коми войтыр", "Коми Республикаса вужвойтыр аньяс", "Изьватас", том йöзлöн "Ми" котыр. Республикаса правительство отсалö налы нуöдны культураын да кывйын традицияяс видзöм-сöвмöдöм могысь социальнöй тöдчанлуна уджсö.

Кызь вонас "Коми войтыр" öтмунöм лöсьöдіс республикаса исполнительнöй власьт тэчаскöд топыд йитöд. Миян министерство отсалö нуöдны кар-районын вужвойтырлысь быд вося конференцияяс. "Коми му" газеткöд öтув странаса мукöд регионын олысь комиясöс могмöдам коми газет-журналöн. Пуктам ассьыным пай и коми нывъяс костын "Райда" конкурс нуöдöмö.

"Коми войтыркöд" тшöтш министерство збыльмöдö финн-йöгра костын ёртасьöм, налысь культура да традицияяс видзöм-сöвмöдöм кузя уджтасъяс. Сідз, кольöм во помын том йöзлöн "Ми" котыр нуöдіс Ыб сиктса этнопаркын "FUROR" йöзкостса форум.

—Быд войтырлöн медыджыд озырлуныс — кыв. Галина Ивановна, кутшöм удж кутас нуöдны таво министерство кыв сöвмöдöм да сійöс велöдöм могысь?

–Ми зілям, медым республикаын олысьяс пыдди пуктісны канму кывъяс, медым унджыкöн вöдитчисны коми кывйöн. Тайö могъяссö олöмö пöртігöн уджсö шуöма нуöдны некымын нырвизьöд: коми кывйöн паськыдджыка вöдитчöм могысь пыртны выль технологияяс, канму кывъяс велöдны ышöдöм могысь котыртны да нуöдны фестивальяс, конкурсъяс, семинаръяс.

Сёрнитны кö инновацияа технологияяс йылысь, таын Коми Республикаöс öні пасйöны водзмöстчысьяс лыдын. И министерстволöн уджын тайö — медся тöдчана нырвизьясысь öти. Таво госслужба да веськöдланног академияысь кывйöн вöдитчан инновацияя технологияяс кузя шöринкöд збыльмöдам "Öтуввезйын комиöн гижигöн "Юникод" стандартöн вöдитчöм" уджтас.

Канму кывъяс сöвмöдöм могысь лоис нин традицияöн нуöдны "Коми небöг" гаж, бардъяслысь "Ва берд" да öнія сьыланкывлысь "Койташ" фестивальяс, медбур коми худо- жествоа гижöд бöрйöм могысь "Эзысь борд" конкурс, коми КВН, быд во пасъям и коми гижанноглысь лун. Таво медводдзаысь на коми семьяяс пöвстын кöсъям нуöдны "Шуда коми котыр" конкурс.

Бöр ловзьöдам сикт-грезд мичмöдігöн национальнöй рöм-серöн вöдитчöм кузя сиктса овмöдчöминъяс костын республикаса конкурс.

Кыв политика збыльмöдігöн зэв тöдчана ышöдны челядьöс. Медым зонпосни ичöтсяньыс радейтісны чужан мусö, мам кывсö, Сыктывкарын нуöдам "Öшкамöшка", Ухтаын — челядь творчестволысь "Йöлöга" национально-культурнöй автономияяслы котыртны ассьыныс уджсö, сійö лоас войтыръяс костын йитöдъяс лöсьöдöмын аслыссикас шöринöн, кытчö вермасны шыöдчыны республикаса став кар-районысь водзмöстчысь йöз.

***

Коми Республикаын лöсьöдöма комын гöгöр национально-культурнöй котыр. Найö кутöны топыд йитöд Белоруссиякöд, Украинакöфестивальяс, а сідзжö "Чолöм, дзолюкъяс" праздник.

—Галина Ивановна, Юралысьлöн админис-рация дорын кыпöдны вель ыджыд стрöйба. Кывсьö, сэні пö лоас Ёртасян керка?

—Збыльысь, 2014 восянь Сыктывкар шöрын тайö стрöйбаас меститчас тшöтш и Ёртасян керка. Сылöн могыс — отсавны д, Болгариякöд, Германиякöд, Польшакöд, Израилькöд, Армениякöд, Азербайджанкöд да мукöд странакöд.