Новости Республики Коми | Комиинформ

ОТСАВНЫ И ТШУПÖДА ПАСТÖМ ВОÖ

ОТСАВНЫ И ТШУПÖДА ПАСТÖМ ВОÖ
ОТСАВНЫ И ТШУПÖДА ПАСТÖМ ВОÖ
logo

Март 1 лунö ветеранъяслöн тöжд-мог кузя сöвет-лöн чукöртчылігöн Коми Республикаса Юралысь Вячеслав Гайзер юöртіс "Мы — наследники Великой Победы—2011" марафон заводитчöм йылысь.

іöÖ— Аттьöала кольöм вося "Мы — наследники Великой Победы" марафон нуöдысьясöс, и медводз ветеранъяслöн котыръясын водзмöстчысьясöс, — пасйис Вячеслав Гайзер. — И тайö уджсö миянлы колö нуöдны водзö, öд отсавны налы, кодъяс тышкасисны миян мездлун вöсна, колö оз сöмын празд-никъяс дырйи да тшупöда паса воясö. Эска, кольöм вося падмöгъяссö тöд вылын кутöмöн таво марафонсö нуöдам нöшта на бурджыка.

Россияса Госдумаысь ветеранъяслöн тöжд-мог кузя комитетöн юрнуöдысь Франц Клинцевич, коді вöлі жö чукöртчылігас, торйöн пасйис, мый странаса регионъяс пöвстын Коми Республика водзмöстчö ветеранъяслы отсавны зільöмын, и тайöс вылö донъялöны федераль-нöй тшупöдын.

Ветеранъяслöн тöжд-мог кузя сöвет шуис чукöртны Ухта районса Ярегаысь Андрей Борилецлöн мамлы отсалöм могысь сьöм. Андрейöс öні бурдöдöны Санкт-Петербургса госпитальын, и сьöмыс колö, медым мамыс, Валентина Борилец, вермис овны Питерын пиыскöд орччöн.

Сьöмсö позьö вуджöдны татшöм тшöт вылö:

Ухтинское ОСБ № 6269 Западно-Уральского банка Сбербанка РФ

РÖс 40817810328190000000

№ счёта 40817810428191422464

Сберкарта 96430282001927729

на имя Валентины Александровны Борилец