Сыктывкарысь Арина Пыстинаöс медколледж помалöмöн чолöмаліс Коми Республикаса Юралысь Вячеслав Гайзер. Сійö сетіс нывлы велöдчöм йылысь диплом. Юралыссянь том нывлы вичмис и казьты-лана пас — часі.

Медикыд уджтöг оз коль. Республикаса уна кар-районö колö фельдшерыд. Но Арина кöсйö мунны служитны армияö. Тöдса нин военнöй часьтыс. Том фельдшерöс виччысьöны Ленинград обласьтын, кöні служитöны и Комиысь салдатъяс.

Арина шуö, во-мöд мысти пö сэсся пыра водзö велöдчыны Санкт-Петербургса медакадемияö да лоа военнöй врачöн.

Нывъяс унаöн окотитöны служитны контракт серти, — висьталöны военкоматын зільысьяс. Сідз, кольöм субöтаö "Облака" гаж дырйи (лыддьöй 12-öд лист бокысь) Степан изэрд вылын нуöдісны ярманга, кöні вöзйисны том йöзлы удж. Сэні петкöдчис и военкомат. Матыстчылöма матö 40 морт. Гижсьöмаöсь служба вылö квайтöн, на пиысь нёльыс — аньяс.